ഏതെങ്കിലുമൊരു സ്വഭാവ വൈകല്യമോ, വിചിത്രമായ ശീലമോ ഓരോ മനുഷ്യനിലും ഉണ്ടായിരിക്കും. ഇത് മറ്റുള്ളവര്‍ക്ക് അവിശ്വസനീയമായും തോന്നാം. ഈ വൈകല്യങ്ങള്‍ പ്രശസ്തരായ വ്യക്തികള്‍ക്കാണെങ്കില്‍ നാം അത്ഭുതപ്പെട്ടു പോകും.
സൂപ്പര്‍സ്റ്റാറായ ഷാരൂഖ് ഖാന്റെ കാര്യംതന്നെ നോക്കാം. ദിവസം ഒരു പ്രാവശ്യം മാത്രമാണ് ഷാരൂഖ് ഖാന്‍ താന്‍ ധരിച്ചിരിക്കുന്ന ഷൂസുകള്‍ ഊരി മാറ്റുക. അതും രാത്രി ഉറങ്ങാന്‍ നേരത്തു മാത്രം. മിക്ക ദിവസങ്ങളിലും ഷൂസുകള്‍ ധരിച്ചുകൊണ്ടാവും രാത്രി ഉറങ്ങുക.
നിലാവുള്ള രാത്രികളില്‍ തുറസ്സായ സ്ഥലത്തുനിന്ന് കുളിക്കുക നടി സുസ്മിതാ സെന്നിന്റെ ഇഷ്ടവിനോദമാണത്രെ. ഇതിനായി ഇവരുടെ മട്ടുപ്പാവില്‍ ഒരു കൂറ്റന്‍ കുളിത്തൊട്ടി നിര്‍മ്മിച്ചിട്ടുണ്ട്. ഈ സമയത്ത് നൂല്‍ബന്ധം പോലും ഇല്ലാതെയാണ് സുസ്മിതയടെ കുളി.
ഹോളിവുഡ് നടിയായ ഡെമി മൂറേയുടെ സ്വഭാവം ബീഭത്സമായ ഒരു കാഴ്ചയായിട്ടാണ് അനുഭവപ്പെടുക. ഇവര്‍ നഗ്നയായി കിടന്നുകൊണ്ട് ശരീരത്ത് അട്ടകളെ വിടുന്നു. ഇവറ്റകള്‍ ഇവരുടെ രക്തം ഈമ്പിയെടുക്കുന്നു. തത്സമയം അവര്‍ ഒരു പ്രത്യേക അനുഭൂതിയില്‍ ലയിച്ചുപോകുമത്രെ. ഇങ്ങനെയൊരു വൈകൃതത്തിന് കാരണം എന്താണെന്നു ചോദിച്ചാല്‍, ‘ഇതാണ് എന്റെ സൗന്ദര്യത്തിന്റെ രഹസ്യം’ എന്നു പറയുകയാണ് ഈ ആക്ഷന്‍ നായിക.
പ്രശസ്ത ഹോളിവുഡ് നടനായ ബ്രാഡ് ബിറ്റ് കുളിക്കുമ്പോള്‍ സോപ്പ് ഉപയോഗിക്കാറില്ലത്രെ. കാരണം സോപ്പില്‍ രാസപദാര്‍ത്ഥങ്ങള്‍ അടങ്ങിയിട്ടുണ്ടെന്നാണ് ബ്രാഡിന്റെ അഭിപ്രായം.
നടി ക്രിസ്റ്റീന ആഗിലേറാ, ഹോട്ടലുകളില്‍ പോയി ഭക്ഷണം കഴിച്ച ശേഷം കൈ കഴുകാതെ പോകുന്ന സ്വഭാവക്കാരിയാണ്. ‘ഇതെന്റെ വൃത്തികെട്ട സ്വഭാവമാണ്. ഇതെനിക്ക് മാറ്റിയെടുക്കാന്‍ കഴിയുന്നില്ല’ എന്നുപറഞ്ഞ് സങ്കടപ്പെടുകയാണ് ഇവര്‍. പുറത്ത് മാന്യതയില്ലാതെ പെരുമാറുന്നത് ഇവരുടെ മറ്റൊരു സ്വഭാവം. ചീസ്, ചോക്‌ലേറ്റ് ക്രീം ഇവയൊക്കെ കഴിച്ചശേഷം കൈ നക്കിത്തോര്‍ത്തുകയാണ് പതിവ്.
പ്രശസ്ത ഗ്ലാമര്‍ മോഡലും ഹോളിവുഡ് നടിയുമായ പമീലാ ഹാന്റേഴ്‌സന് മുഖം നോക്കുന്ന കണ്ണാടിയെ ഭയമാണത്രെ. വിസ്മയിപ്പിക്കുന്ന ഇവരുടെ അഴക് കണ്ണാടിയിലൂടെ പ്രതിഫലിക്കുന്നത് കാണാന്‍ ഇവര്‍ക്ക് കഴിയില്ല. ഇതുമൂലം കണ്ണാടിയില്ലാത്ത മേക്കപ്പ്‌റൂം വീട്ടില്‍ പ്രത്യേകം സജ്ജീകരിച്ചിട്ടുണ്ട്.
ഹോളിവുഡ്ഡിലെ പ്രശസ്ത നടിയായ സാന്ദ്രാ ബുള്ളക്കിന്റെ സ്വഭാവവൈകല്യം ഇതാണ്. മുറിവുകള്‍ക്ക് ഉപയോഗിക്കുന്ന ഒരുതരം ഔഷധം മുഖത്ത് പൂശുന്നു. മുഖസൗന്ദര്യം ലഭിക്കുന്ന അനേകം ക്രീമുകള്‍ ലഭ്യമായിരുന്നിട്ടും താന്‍ ഉപയോഗിക്കുന്ന മരുന്ന് ഏറ്റവും ഫലപ്രദമാണെന്ന് ഇവര്‍ തെളിയിക്കുന്നു.
‘സെക്‌സ് ടേപ്പ്’ എന്ന ഹോളിവുഡ് ചിത്രം മൂലം ലോകമെമ്പാടും പ്രശസ്തനായ നടനാണ് കേമറൂണ്‍ ഡയസ്. സാധാരണ ഗതിയില്‍ വാതില്‍ തുറക്കുക കൈപിടിച്ച് തിരിച്ചോ, കതകില്‍ മുട്ടിയോ ആണ്. പക്ഷേ കാമറൂണ്‍ ഏത് രാജ്യത്തു പോയാലും വീട്ടിലായിരുന്നാലും കൈമുട്ടുകള്‍ കൊണ്ട് വാതില്‍ ഇടിച്ചുതുറക്കുന്ന സ്വഭാവക്കാരനാണ്.
ബോളിവുഡ് സൂപ്പര്‍താരമായ അമിതാബ് ബച്ചന്‍ രണ്ടു കൈകളിലും ഓരോ വാച്ച് കെട്ടിക്കാണുന്നു. കാരണം മകന്‍ അഭിഷേക് വിദേശങ്ങളില്‍ ഷൂട്ടിംഗിനു പോകുമ്പോള്‍ അഭിഷേകിനോട് സംസാരിക്കാന്‍ ഒരു വാച്ച്. രണ്ടാമത്തെ വാച്ച് വിദേശത്തെ സമയം കുറിക്കുന്നതാണ്.
ദീപിക പദുകോണ്‍ ബ്രേസിയര്‍ ധരിക്കാറില്ലെന്നു പറയുമ്പോള്‍ വിശ്വസിക്കാന്‍ അല്പം ബുദ്ധിമുട്ടുണ്ടാകും. പക്ഷേ സത്യാവസ്ഥ അതാണ്. ”ഞാന്‍ സാധാരണയായി ശരീരം മൂടി മറയ്ക്കും വിധമുള്ള വസ്ത്രധാരണമാണ് പൊതുവേ. ബ്രേസിയര്‍ ധരിക്കുമ്പോള്‍ വിമ്മിഷ്ടം അനുഭവപ്പെടും. ഇപ്പോള്‍ മാത്രമല്ല, ആദ്യമേതന്നെ ഞാനിത് ഉപയോഗിക്കാറില്ലായിരുന്നു.
യഥാര്‍ത്ഥ ജീവിതത്തില്‍ ബ്രേസിയര്‍ ധരിക്കാത്ത മറ്റു നടിമാര്‍ സണ്ണിലിയോണ്‍, പൂനം പാണ്ഡെ, ലോകപ്രശസ്തയും മോഡലുമായ കിം കര്‍ത്ഷിയാന്‍, ഗായിക റിഹാന എന്നിവരും ഉള്‍പ്പെടുന്നു. ബ്രേസിയര്‍, മാറിടങ്ങളുടെ സ്വതന്ത്രമായ വളര്‍ച്ചയെ ഹനിക്കുമെന്നാണ് സണ്ണിയുടെ അഭിപ്രായം.
പ്രശസ്ത ഹോളിവുഡ് നടനായ ഡാം ക്രൂസ്, കുയിലിന്റെ വിസര്‍ജ്യം മുഖത്ത് ലോപനം ചെയ്യാറുണ്ടത്രെ. കാരണം പ്രായാധിക്യം മൂലം മുഖത്തെ ചര്‍മ്മം ചുരുങ്ങിപ്പോകാതിരിക്കാനാണ് ഈ കാഷ്ഠം കൊണ്ടുള്ള ട്രീറ്റ്‌മെന്റ്. നടി ജനീഫര്‍ അനിസ്റ്റന്‍ വിമാനത്തില്‍ പ്രവേശിക്കുന്നത് വലതുകാല്‍ വച്ചായിരിക്കും.
