അങ്ങനെ നീണ്ടനാളത്തെ കാത്തിരിപ്പുകൾക്കൊടുവിൽ ചിത്രം സലാർ റിലീസ് ചെയ്തിരിക്കുകയാണ്. ഇതിനോടകം ചിത്രത്തിന് മികച്ച പ്രതികരണം ആണ് പ്രേക്ഷകരിൽ നിന്നും ലഭിക്കുന്നത്. സംവിധായകൻ പ്രശാന്ത് നീലിന്റെ പുതിയ ചിത്രത്തിൽ പ്രഭാസ് ആണ് നായകൻ. മലയാള താരം പൃഥ്വിരാജും സലാറിൽ നിറഞ്ഞുനിൽക്കുന്നു എന്നതും ആവേശം കൂട്ടുന്നു.
സിനിമയ്ക്ക് നല്ല അഭിപ്രായം ആണ് ലഭിച്ചുകൊണ്ടിരിയ്ക്കുന്നത്. പ്രശാന്ത് നീൽ മനോഹരമായി ചിത്രീകരിച്ച സിനിമയാണ് സലാർ. പ്രഭാസിന്റെയും പൃഥ്വിരാജിന്റെയും കെമിസ്ട്രി വർക്കായിരിക്കുന്നു. എന്നാൽ ചെറിയ ലാഗ് അനുഭവപ്പെടുന്നുണ്ടെന്നും അഭിപ്രായം വരുന്നുണ്ട്.
ചിത്രത്തിന്റെ ആദ്യ പകുതിയാണ് മികച്ചു നിൽക്കുന്നത്. പ്രഭാസിന്റെ പ്രഭ മികച്ച രീതിയിൽ സംവിധായകൻ പ്രശാന്ത് നീൽ ഉപയോഗിച്ചവെന്ന് അഭിപ്രായപ്പെടുമ്പോഴും പശ്ചാത്തല സംഗീതം മികവിലേക്ക് ഉയർന്നില്ലെന്നാണ് പലരുടയും പ്രതികരണങ്ങൾ.
മൊത്തത്തിൽ നോക്കിയാൽ ചിത്രം വിജയിച്ചു. എന്നാൽ കെജിഎഫ് പ്രതീക്ഷിച്ച് പ്രഭാസിന്റെ സലാർ സിനിമ കാണാൻ പോയാൽ നിരാശയായിരിക്കും ഫലം. ബോക്‌സ് ഓഫീസിൽ ഹിറ്റാകാനുള്ള ചേരുവകൾ ചിത്രത്തിൽ ധാരാളമുണ്ട്. ആക്ഷനിൽ സലാർ മികച്ച നിലവാരത്തിലാണെന്നും ചിത്രം കണ്ടവർ അഭിപ്രായപ്പെടുന്നു. മികച്ച പ്രൊഡക്ഷനാകാൻ സലാറിനായിട്ടുണ്ട്.
