തന്റെ ഏറെ നാളത്തെ ആഗ്രഹം സാധ്യമായി ; ഇത് എന്റെ രക്തത്തിലുള്ളതാണെന്ന് വീണ നായർ

മിനിസ്‌ക്രീൻ സീരിയൽ നായികയായി എത്തിയതാണ് വീണ നായർ. തട്ടീം മുട്ടീം എന്ന സീരിയലിലെ കോകില എന്ന ഹാസ്യ വേഷം സിനിമയിലേക്കുള്ള വാതിൽ തുറന്ന് കൊടുത്തു. അതിനിടയിൽ ബിഗ് ബോസ് റിയാലിറ്റി ഷോയിലൂടെ വീണ പ്രേക്ഷകർക്ക് കൂടുതൽ സുപരിചിതയായി. ഇപ്പോഴിതാ തന്റെ ഏറെ നാളത്തെ ആഗ്രഹം സഫലീകരിച്ച സന്തോഷത്തിൽ നിൽക്കുകയാണ് നടി. സ്വന്തമായി ഒരു പ്രൊഡക്ഷൻ ഹൗസ്.

ALSO READ

ഗോഡ് ഈസ് ഗ്രേറ്റ്; ദിലീപിന് മുൻകൂർ ജാമ്യം ലഭിച്ചതിന് പിന്നാലെ ശ്രദ്ധ നേടി നാദിർഷയുടെ പോസ്റ്റ്

തന്റെ ഏറെ നാളത്തെ ആഗ്രഹമായിരുന്നു സ്വന്തമായി ഒരു പ്രൊഡക്ഷൻ ഹൗസ് വേണം എന്നത്. അത് സാധിച്ചു. അതിന്റെ സന്തോഷത്തിലും എക്സൈറ്റ്മെന്റിലും ആണ് താരം. എന്റെ അച്ഛനും നിർമ്മാതാവും സംവിധായകനും ഒക്കെയായിരുന്നു. അതുകൊണ്ട് ഇത് എന്റെ രക്തത്തിലുണ്ട് എന്നാണ് വീണ പറയുന്നത്.

വളർന്ന് വരുന്ന പ്രതിഭകളെ സാധ്യമായ എല്ലാ വഴികളിലൂടെയും സഹായിക്കുക എന്നതാണ് എന്റെ ലക്ഷ്യം. ഭാഗ്യവശാൽ എനിക്കൊപ്പം സമാനാമായ ചിന്താഗതി ഉള്ള ഒരു കൂട്ടും ആളുകളുണ്ട്. ഞങ്ങളുടെ എല്ലാം സ്വപ്നം ഇനി യാഥാർത്യമാകും എന്ന് വിശ്വസിയ്ക്കുന്നു. നല്ല സിനിമകൾ ചെയ്യുക എന്നതാണ് ഞങ്ങളുടെ ആഗ്രഹം എന്നും വീണ പറയുന്നുണ്ട്.

റോ മോഷൻ പിക്ചേഴ്സ് എന്നാണ് പ്രൊഡക്ഷൻ കമ്പനിയുടെ പേര്. ആദ്യമായി നിർമിയ്ക്കുന്നത് മേഴ്സി എന്ന ഹ്രസ്വ ചിത്രമാണ്. അതിന് ശേഷം ആദ്യത്തെ ഫീച്ചർ സിനിമയിലേക്ക് കടക്കും. വ്യത്യസ്ത സാഹചര്യങ്ങളിൽ നിന്നും വരുന്ന അഞ്ച് സ്ത്രീകളെ കുറിച്ചുള്ള സിനിമയുടെ ചർച്ചകൾ നടന്നുകൊണ്ടിരിയ്ക്കുകയാണ്. അതാണ് ആദ്യമായി നിർമ്മിയ്ക്കുന്ന സിനിമ.

ALSO READ

അവൾ ഇപ്പോഴും എനിക്ക് ഒരു കുഞ്ഞാണ്, അവളുടെ ജീവിതത്തിലെ അടുത്ത സുപ്രധാന ഘട്ടം ആരംഭിക്കുന്നു ; മകളുടെ വിവാഹ നിശ്ചയത്തിന്റെ ചിത്രങ്ങൾ പങ്കുവച്ച് നടി ഉമ നായർ

ഒരു ആഗ്രഹം മനസ്സിൽ കരുതിയാൽ വീണ നായർ സാധിപ്പിച്ചെടുക്കും എന്ന് ഇതിനോടകം പ്രേക്ഷകർക്ക് ബോധ്യമായതാണ്. തടി കുറയ്ക്കണം എന്ന് ആഗ്രഹിച്ച നടി വെറും ആറ് ദിവസം കൊണ്ട് 20കിലോ കുറച്ചത് വാർത്തയായിരുന്നു. അതുപോലെ ഇനി മികച്ച ഒരു കുറേ സിനിമ വീണയുടെ റോ മോഷൻ പിക്ചേഴ്സിലൂടെ പുറത്തിറങ്ങും എന്ന് തന്നെയാണ് ആരാധകരുടെ പ്രതീക്ഷ.