മലയാളികൾക്ക് പ്രിയങ്കരനാണ് പൃഥ്വിരാജ്. താരത്തിന് വിശേഷണങ്ങൾ ഏറെയാണ്, നടൻ, സംവിധായകൻ, പ്രൊഡ്യൂസർ, സ്റ്റണ്ട് കൊറിയോഗ്രാഫർ എന്നീ നിലകളിലൊക്കെ താനൊരു സകലകലാവല്ലഭൻ ആണെന്ന് താരം തെളിയിച്ചതാണ്. ഇപ്പോഴിതാ തന്നെ ട്രോളാൻ മറ്റൊരാളിന്റെ സഹായവും വേണ്ടെന്നു തെളിയിച്ചിരിക്കുകയാണ് താരം.
‘ഒരുപക്ഷേ എഡിറ്റർമാർക്ക് മാത്രമേ ഇത് മനസിലാകൂ’- എന്ന കുറിപ്പോടുകൂടിയാണ് പൃഥ്വിരാജ് ട്രോൾ പങ്കുവച്ചിരിക്കുന്നത്. പൃഥ്വിരാജിനേയും എഡിറ്റർ അഖിലേഷ് മോഹനനെയും ട്രോൾ ചിത്രത്തിൽ കാണാം. മാസ്‌ക് ധരിക്കാതെ എഡിറ്റിങ്ങിൽ ശ്രദ്ധിക്കുന്ന അഖിലേഷ് മോഹനനെയും അത് നോക്കി ഇരിക്കുന്ന പൃഥ്വിരാജിനെയുമാണ് കാണാൻ സാധിക്കുന്നത്.
ALSO READ
‘ആ ലാസ്റ്റ് ഷോട്ട് ഒന്ന് മാസ്‌ക് ഇട്ട് കാണിച്ചേ… എന്ന് പൃഥ്വിരാജ് പറയുന്നതും അഖിലേഷ് മോഹനൻ സ്വയം ഒരു മാസ്‌ക് ധരിച്ച് ഇരിക്കുന്നതും ആണ് ട്രോൾ. കുരുതി ലൊക്കേഷൻ ആണെന്ന് സൂചിപ്പിക്കുന്ന ഹാഷ്ടാഗും പൃഥ്വി ചേർത്തിട്ടുണ്ട്.
പൃഥ്വിരാജ് തന്നെയാണ് ഇൻസ്റ്റാഗ്രാമിലൂടെ ട്രോൾ പങ്കുവച്ചിരിക്കുന്നത്. ഒട്ടേറെപ്പേരാണ് ട്രോളിനു പ്രതികരണവുമായി എത്തിയിട്ടുള്ളത്.
‘ഇങ്ങേര് ഇത് ട്രോളും തുടങ്ങിയോ, നടൻ, സംവിധായകൻ, പ്രൊഡ്യൂസർ, സ്റ്റണ്ട് കൊറിയോഗ്രാഫർ, ദേ ഇപ്പോൾ ട്രോളൻ’ എന്ന് തുടങ്ങി രസകരമായ ഒട്ടേറെ കമന്റുകളാണ് ചിത്രത്തിന് ലഭിക്കുന്നത്.
നവാഗതനായ മനു വാര്യർ സംവിധാനം ചെയ്ത ക്രൈം ത്രില്ലർ ‘കുരുതി’ ആമസോൺ പ്രൈമിൽ മികച്ച പ്രേക്ഷക പ്രതികരണത്തോടെ പ്രദർശനം തുടരുകയാണ്. മികച്ച പ്രേക്ഷക പ്രതികരണമാണ് ചിത്രത്തിന് നാനാതുറകളിൽ നിന്നും ലഭിച്ചു കൊണ്ടിരിക്കുന്നത്.
ALSO READ
എംസ് ധോണിയുടെ ഭാര്യ സാക്ഷിയും വേിരാട് കാഹ്ലിയുടെ ഭാര്യ അനുഷ്‌കയും തമ്മിലുള്ള ബന്ധം എന്താണെന്നറിയാമോ
പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോൻ ആണ് കുരുതി എന്ന ചിത്രം നിർമ്മിച്ചിരിക്കുന്നത്.
പൃഥ്വിരാജ്, റോഷൻ മാത്യു, മുരളി ഗോപി, ഷൈൻ ടോം ചാക്കോ, സ്രിന്ദ, മണികണ്ഠൻ രാജൻ, നവാസ് വള്ളിക്കുന്ന്, സാഗർ സൂര്യ, നാസ്ലെൻ എന്നീ വലിയ താര നിര തന്നെ ചിത്രത്തിൽ അണിനിരക്കുന്നുണ്ട്. പ്രേക്ഷകരെ അത്ഭുതപ്പെടുത്തിയ മറ്റൊരു താരം മാമുക്കോയ ആണ്. ഏറെ നാളുകൾക്ക് ശേഷം മാമുക്കോയയ്ക്ക് ലഭിച്ച ഏറ്റവും കരുത്തുറ്റ കഥാപാത്രമാണ് മൂസ ഖാദർ.
രാത്രിയുടെ വന്യതയും ഭീതിയും അനുഭവിക്കാൻ കഴിയുന്ന രീതിയിലാണ് കുരുതിയുടെ മേക്കിംഗ്. ചിത്രത്തിന്റെ ഛായാഗ്രഹണം നിർവ്വഹിച്ചത് അഭിനന്ദൻ രാമാനുജം ആണ്
അഖിലേഷ് മോഹന്റെ എഡിറ്റിംഗും കഥാസന്ദർഭങ്ങളോട് ചേർന്നു നിൽക്കുന്ന ജേക്‌സ് ബിജോയുടെ പശ്ചാത്തലസംഗീതവും ചേർന്നപ്പോൾ പക്കാ ത്രില്ലിംഗ് അനുഭവമാണ് ചിത്രം നൽകുന്നത്.
ആദ്യ 15 മിനിറ്റിൽ തന്നെ പ്രേക്ഷകനെ മുൾമുനയിൽ നിർത്തുന്ന രീതിയിലാണ് കഥ മുന്നോട്ട പോകുന്നത്. വെറുപ്പെന്ന വികാരം മനുഷ്യരെ ഭ്രാന്തൻമാരാക്കുന്ന ഒരു കാഴ്ചയാണ് കുരുതിയിൽ കാണാൻ സാധിക്കുക.. എന്തിനെന്നറിയാതെ തമ്മിൽ പോരടിച്ച് മനുഷ്യർ വീണു പോകുന്നതിന്റെ നേർകാഴ്ചയാണ് ഈ ചിത്രം.
ഇബ്രാഹിം (റോഷൻ മാത്യു) എന്ന കഥാപാത്രത്തിന്റെ മാനസിക സംഘർഷങ്ങളിലൂടെയാണ് സിനിമ ആരംഭിക്കുന്നത്. പ്രളയം സൃഷ്ടിച്ച ഉരുൾപൊട്ടലിൽ ഭാര്യയേയും മകളേയും നഷ്ടമായ ഇബ്രു എന്ന ഇബ്രാഹിമും (റോഷൻ മാത്യു), തന്റെ ഭാര്യയെ നഷ്ടമായ പ്രേമനും (മണികണ്ഠൻ ആചാരി) മനസ്സിലെ നീറ്റലുമായി ആ ഓർമ്മകളുടെ ഒരാണ്ട് പൂർത്തിയാക്കുന്നത് വരെയുള്ള പശ്ചാത്തലത്തിലാണ് ‘കുരുതി’ക്ക് തുടക്കം കുറിക്കുന്നത്.
