മലയാളത്തിന്റെ യുവതാരങ്ങളിൽ ശ്രദ്ധേയനാണ് ദുൽഖർ സൽമാൻ. മലയാളത്തിൽ മാത്രമല്ല ബോളിവുഡിലും കുഞ്ഞിക്ക എന്നറിയപ്പെടുന്ന ദുൽഖറിന് ആരാധകർ ഏറെയുണ്ട്.
അടുത്തിടെ പുറത്തിറങ്ങിയ താരത്തിന്റെ സീതാരാമം ഇന്ത്യയൊട്ടാകെ മികച്ച അഭിപ്രായം നേടിയിരുന്നു. ഇപ്പോഴിതാ താരത്തിന്റേതായി പുറത്തിറങ്ങിയ ബോളിവുഡ് ചിത്രം ഛുപ് പ്രേഷക പ്രശംസ നേടി മുന്നേറിക്കൊണ്ടിരിക്കുകയാണ്.
ദുല്ഖറിന് പുറമേ സണ്ണി ഡിയോളാണ് ചിത്രത്തിൽ പ്രധാന വേഷത്തിൽ എത്തിയിരിക്കുന്നത്. സെപ്തംബർ 23 ന് തിയ്യറ്ററിൽ റിലീസ് ചെയ്ത ചിത്രം നവംബർ 25 നാണ് ഒടിടിയിൽ പ്രദർശനത്തിനെത്തിയത്. സൈക്കോളജിക്കൽ ത്രില്ലറായി പുറത്തിറങ്ങിയ ചിത്രം 24 മണിക്കൂറിനുള്ളിൽ 30 മില്യൺ കാഴ്ച്ചക്കാരെ നേടിയിരിക്കുകയാണ്.
ദുൽഖർ തന്നെയാണ് ഇക്കാര്യം തന്റെ സോഷ്യൽ മീഡിയാ അക്കൗണ്ടിലൂടെ ആരാധകരോട് പങ്കുവെച്ചിരിക്കുന്നത്. എല്ലാ നാഴികകല്ലും പ്രേക്ഷകർ അഭിന്ദിക്കുന്ന ഒരു സിനിമ മറികടക്കുമെന്നാണ് തന്റെ സോഷ്യൽ മീഡിയാ അക്കൗണ്ടിൽ താരം കുറിച്ചിരിക്കുന്നത്.
Also Read
അതില്ലാത്ത കാലത്താണ് മോഹന്‍ലാല്‍ ഇക്കണ്ട പണിയെല്ലാം അതിനകത്ത് കാണിച്ച് വെച്ചത്, മമ്മൂട്ടിയെ കൊണ്ട് ചെയ്യാന്‍ പറ്റില്ല; ഭദ്രന്‍
ബോളിവുഡിൽ ദുൽഖറിന്റെ മൂന്നാമത്തെ ചിത്രമാണ് ഛുപ്. ആർ ബാൽകിയാണ് ചിത്രത്തിന്റെ സംവിധായകൻ. ശ്രേയ ധന്വന്തരി, പൂജാ ഭട്ട് എന്നിവർ നായികമാരായി എത്തുന്ന ചിത്രത്തിന്റെ നിർമ്മാണം ഗൌരി ഷിൻഡെ, ആർ ബൽകി, രാകേഷ് ജുൻജുൻവാല എന്നിവരാണ്.
