മലയാളത്തിന്റെ കുഞ്ഞിക്ക യുവ താരം ദുല്‍ഖര്‍ സല്‍മാന്‍ ഇന്ന് തൃശൂരില്‍ എത്തിയത് ചുങ്കത്ത് ജൂവലറിയുടെ പത്താമത് ഷോ റൂം ഉല്‍ഘാടനം ചെയ്യാന്‍ ആണ്.
ആരാധകരും സിനിമാ പ്രേമികളും ചേര്‍ന്നു ഒരുക്കിയ ആവേശോജ്വലമായ സ്വീകരണം ആണ് അവിടെ ദുല്‍ഖര്‍ സല്‍മാനെ കാത്തിരുന്നത്. ദുല്‍ഖറിനെ കാണാന്‍ അവിടെ തടിച്ചു കൂടിയത് വന്‍ ജനാവലി ആണ്.
അവരുടെ സ്വീകരണത്തിനു നന്ദി പറഞ്ഞു കൊണ്ട് അവിടെ നിന്നു ആരാധകര്‍ക്കൊപ്പം ഉള്ള ഒരു സെല്‍ഫി വീഡിയോ ദുല്‍ഖര്‍ തന്റെ ഒഫീഷ്യല്‍ ഫേസ്ബുക്ക് പേജ് വഴി പങ്കു വെച്ചു.
തനിക്ക് നല്‍കിയ സ്‌നേഹത്തിന് തൃശൂര്ക്കാരോട് നന്ദി പറഞ്ഞ ദുല്‍ഖര്‍ അതോടൊപ്പം തന്നെ ക്ഷണിച്ച സിപി പോള്‍, രഞ്ജിത് പോള്‍ എന്നിവര്‍ക്കും നന്ദി അറിയിച്ചു.
ദുല്‍ഖര്‍ നായകനായി എത്തുന്ന പുതിയ ചിത്രം ഈ വരുന്ന ഏപ്രില്‍ 25 ന് ആണ് റീലീസ് ചെയ്യുന്നത്. ഒരു യമണ്ഡന്‍ പ്രേമ കഥ എന്നു പേരിട്ടിരിക്കുന്ന ഈ ചിത്രം സംവിധാനം ചെയ്തിരിക്കുന്നത് നവാഗതനായ ബിസി നൗഫല്‍ ആണ്.
ഇതിന്റെ ടീസര്‍, പോസ്റ്ററുകള്‍, ഇന്നലെ റീലീസ് ചെയ്ത ഗാനം എന്നിവ പ്രേക്ഷക ശ്രദ്ധ നേടിയെടുത്തു കഴിഞ്ഞു. ഈ ചിത്രത്തിന്റെ രചന നിര്‍വഹിച്ചിരിക്കുന്നത് അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ ബ്ലോക്ക്ബസ്റ്ററുകള്‍ രചിച്ച വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ് ടീം ആണ്.
സലിം കുമാര്‍, വിഷ്ണു ഉണ്ണികൃഷ്ണന്‍, സൗബിന്‍ ഷാഹിര്‍ എന്നിവരും അഭിനയിക്കുന്ന ഈ ചിത്രം നിര്‍മ്മിച്ചിരിക്കുന്നത് ആന്റോ ജോസെഫ്, സിആര്‍ സലിം എന്നിവര്‍ ചേര്‍ന്നാണ്.
