ശങ്കർ സംവിധാനം ചെയ്ത് ബോയ്‌സ് എന്ന ഫിലിമിലൂടെ സിനിമയിലേക്ക് എത്തിയ നടിയാണ് ഭുവനേശ്വരി. ചിത്രത്തിൽ താരം അഭിനയിച്ച റാണി എന്ന കഥാപാത്രത്തിന് പ്രേക്ഷക സ്വീകാര്യത ലഭിച്ചിരുന്നു. ഇപ്പോഴിതാ ബോയ്‌സ് എന്ന സിനിമയിൽ അഭിനയിച്ചതിൽ തനിക്കൊരു കുറ്റബോധവും തോന്നിയിട്ടില്ല എന്ന് വ്യക്തമാക്കിയിരിക്കുകയാണ് ഭുവനേശ്വരി.
ബിഹൈൻവുഡ്‌സിന് നല്കിയ അഭിമുഖത്തിലാണ് താരം മനസ്സ് തുറന്നത്. താരത്തിന്റെ വാക്കുകൾ ഇങ്ങനെ; സിനിമയുമായി ബന്ധം ഉള്ളവരല്ല എന്റെ കുടുംബത്തിൽ ആരും. ഞാൻ അഭിനയരംഗത്തേക്ക് എത്തുന്നത് സീരിയലിലൂടെയാണ്. സിനിമയിലേക്ക് എത്തുന്നത് ശങ്കർ സാറിന്റെ ബോയ്‌സ് എന്ന സിനിമയിലൂടെയാണ്. വളരെ ചെറിയൊരു സീനിലാണ് ഞാൻ ആ ചിത്രത്തിൽ അഭിനയിച്ചത്. പക്ഷെ ആ കഥാപാത്രം വളരെ അധികം ശ്രദ്ധിക്കപ്പെട്ടു.
എന്റെ കൂടെ അഭിനയിക്കുന്നത് അഞ്ച് പേരാണ് അതിൽ ഒരാളുടെയും വിരൽ പോലും എന്റെ ശരീരത്തിൽ തൊടില്ലെന്ന് സംവിധായകൻ എനിക്ക് ഉറപ്പ് തന്നിരുന്നു. ഒന്നോ രണ്ടോ സീരിയലിൽ മാത്രം അഭിനയിച്ചിരുന്ന എനിക്ക് ആദ്യം തന്നെ ശങ്കർ സാറിന്റെ സിനിമയിലേക്കുള്ള വേഷം കിട്ടിയതിനാൽ വലിയ സന്തോഷം തോന്നി. അങ്ങനെയാണ് സമ്മതം പറഞ്ഞ് ആ സിനിമയിൽ അഭിനയിക്കുന്നത്’.
ആ സിനിമയിലെ കഥാപാത്രത്തെ കുറിച്ച് ഓർത്ത് എനിക്ക് ഖേദം തോന്നിയിട്ടില്ല. സിനിമയാണ് ആദ്യത്തെ അവസരം. അഭിനിയിക്കുക എന്നതാണ് എൻഡറെ ജോലി. അതാണ് ഞാൻ ചെയ്തതും, ചെയ്യുന്നതും. പിച്ചക്കാരിയായി അഭിനയിച്ചത് കൊണ്ട് ഞാൻ പിച്ചക്കാരിയോ, രാജകുമാരിയായി അഭിനയിച്ചത് കൊണ്ട് ഞാൻ രാജകുമാരിയോ ആകണമെന്നില്ല.
ബോയ്‌സിന് ശേഷം ഞാൻ ഏറ്റവും കൂടുതൽ അഭിനയിച്ചത് തെലുങ്കിലാണ്. അവിടുത്തെ ഒരു വിധം എല്ലാ താരങ്ങളുമായും അഭിനയിക്കാനുള്ള അവസരം എനിക്ക് ലഭിച്ചു. തമിഴിനേക്കാൾ കൂടുതൽ നല്ല കഥാപാത്രങ്ങൾ കിട്ടിയത് തെലുങ്കിൽ നിന്നാണ്. സിനിമയിലേക്ക് ഒത്തിരി കഷ്ടപ്പെട്ടാണ് എല്ലാവരും വന്നതെന്ന് പറയും. പക്ഷെ ഞാൻ അങ്ങനെയല്ല. ഇവിടെ വന്നതിന് ശേഷമാണ് പലതും ഞാൻ തിരിച്ചറിയുന്നത്.
