നടിയെ ആക്രമിച്ച കേസ് ഇപ്പോൾ പുനരന്വേഷണം നടക്കുകയാണ്. നടിയെ ആക്രമിച്ച കേസന്വേഷിക്കുന്ന അന്വേഷണ ഉദ്യോഗസ്ഥരെ അപായപ്പെടുത്താനുള്ള ഗൂഢാലോചന നടത്തിയെന്ന കേസ് രജിസ്റ്റർ ചെയ്തതിനു പിന്നാലെ നടൻ ദിലീപടക്കം നാലുപ്രതികൾ സമർപ്പിച്ചിരിക്കുന്ന ജാമ്യാപേക്ഷയിൽ ഇന്ന് ഹൈക്കോടതി വിധി വരും . സിനിമാരംഗത്തെ പലരും ഇതിനോടകം നടൻ ദിലീപിന് പിന്തുണയുമായി എത്തിയിട്ടുണ്ട്. അതിലൊരാളാണ് നടൻ ആദിത്യനും.
സംഭവവികാസങ്ങൾക്കൊക്കെ ഇടയ്ക്ക് നടൻ ദിലീപ് നിരപരാധിയാണ് എന്നും ഇപ്പോൾ സംവിധായകൻ ബാലചന്ദ്ര കുമാർ ഉന്നയിച്ചിരിക്കുന്ന ആരോപണങ്ങളെല്ലാം തെറ്റാണെന്നും വാദിച്ച് നടൻ ആദിത്യൻ നേരത്തേ രംഗത്തെത്തിയിരുന്നു. തന്റെ ഫേസ്ബുക്കിലൂടെയാണ് ആദിത്യൻ ജയൻ തന്റെ നിലപാട് വ്യക്തമാക്കിയിരുന്നത്.
ALSO READ
ALSO READ
ഇപ്പോഴിതാ ആദിത്യൻ തന്റെ സോഷ്യൽ മീഡിയയിലൂടെ പങ്കുവെച്ച ഒരു വീഡിയോ ആണ് ശ്രദ്ധ നേടുന്നത്. ദിലീപ് അഭിനയിച്ച റൺവേ എന്ന സിനിമയിലെ ഒരു രംഗമാണ് ആദിത്യൻ പങ്കുവെച്ചിരിക്കുന്നത്.
‘വിഡ്ഢിത്തം കാണിക്കല്ലേ ബാലൻ സാറേ, ഫയർ എഞ്ചിന്റെയൊക്കെ പിന്നാലെ പിടിക്കാൻ നമ്മടെ ഈ സർക്കാർ ജീപ്പിന് കഴിയോ? വെല്ലുവിളികളാവാം, പക്ഷേ അത് നിന്നേക്കാൾ നാലഞ്ചോണം കൂടുതൽ ഉണ്ടവരോടാവരുത്, വരട്ടേ’; ദിലീപിന്റെ വാക്കുകൾ പങ്കിട്ട് ആദിത്യൻ ഫേസ്ബുക്കിൽ ഇങ്ങനെ കുറിച്ചു. ‘വെല്ലുവിളിക്കുമ്പോൾ ശ്രദ്ധവേണം’. നടന്റെ പോസ്റ്റിനെ അനുകൂലിച്ചും പ്രതികൂലിച്ചും നിരവധി കമന്റുകളാണ് സോഷ്യൽമീഡിയയിൽ വരുന്നത്.
