ജനപ്രീയനായകന് ദിലീപ് എസ്എല് പുരം ജയസൂര്യ രചനയും സംവിധാനവും നിര്വഹിക്കുന്ന പുതിയ ചിത്രം
ജാക്ക് ഡാനിയേലില് നായകന് ആയി എത്തുന്നു.
തമിഴ് നടന് അര്ജുന് ഇതിലൊരു ശ്രദ്ധേയ വേഷം അവതരിപ്പിക്കുന്നുണ്ട്. അഞ്ജു കുര്യനാണ് നായിക.തമ്മീന്സ് ഫിലിംസിന്റെ ബാനറില് ഷിബു തമ്മീന്സാണ് ജാക്ക് ഡാനിയേല് നിര്മ്മിക്കുന്നത്.
അജു വര്ഗീസ്, ദേവന്, സൈജു കുറുപ്പ് എന്നിവരാണ് മറ്റു താരങ്ങള്. മാര്ച്ച് 21ന് കൊച്ചി അഞ്ചുമന ക്ഷേത്രത്തില് പൂജ നടക്കും. എറണാകുളവും ഗോവയുമാണ് ലൊക്കേഷന്.
ഏപ്രില് 10ന് ചിത്രീകരണം ആരംഭിക്കും. ഏറെ നാളായി ജയസൂര്യ ദിലീപ് സിനിമയുടെ പണിപ്പുരയിലാണ്. ദിലീപ് നായകനായ ദ സ്പീഡ് ട്രാക്കാണ് ജയസൂര്യയുടെ ആദ്യ സിനിമ.
മോഹന്ലാലിനെ നായകനാക്കി ഏയ്ഞ്ചല് ജോണും സംവിധാനം ചെയ്തു. ജയസൂര്യ തിരക്കഥ ഒരുക്കിയ ധ്യാന് ശ്രീനിവാസന് സിനിമ സച്ചിന് റിലീസിന് ഒരുങ്ങുകയാണ്.
കൊച്ചിയില് കെപി വ്യാസന് സംവിധാനം ചെയ്യുന്ന ശുഭരാത്രിയില് അഭിനയിച്ചു വരികയാണ് ദിലീപ്. ഈ സിനിമയില് അനു സിതാരയാണ് നായിക.
അല്ഫോന്സ് പുത്രന് സംവിധാനം ചെയ്ത നേരത്തിലൂടെ അഭിനയരംഗത്തുവന്ന അഞ്ജു കുര്യന് കവി ഉദ്ദേശിച്ചതില് ആസിഫ് അലിയുടെ നായികയായിരുന്നു. ഞാന് പ്രകാശനില് രണ്ടാം നായികയും.