അങ്ങനെ മലയാള സിനിമാലോകത്തെ രണ്ടു താരങ്ങള്‍ കൂടി ജീവിതത്തില്‍ ഒന്നിക്കാന്‍ പോവുകയാണ്. നടി അപര്‍ണ ദാസും, ദീപക് പറമ്പോലും വിവാഹിതരാകാന്‍ പോകുന്നു എന്ന സന്തോഷ വാര്‍ത്ത കഴിഞ്ഞ ദിവസം ആണ് പുറത്തുവിട്ടത്.
ഇപ്പോള്‍ ഇതാ തന്നെ ട്രോളി കൊണ്ട് സേവ് ദ ഡേറ്റ് വീഡിയോ പുറത്തുവിട്ടിരിക്കുകയാണ് ദീപക്. മനോഹരം എന്ന സിനിമയിലെ ഒരു രംഗം എടുത്താണ് ദീപക് സ്വയം ട്രോളിയത് .
also read
നജീബിനെ നീ ഉള്ളിലേക്ക് എടുത്ത രീതി ഇഷ്ടപ്പെട്ടു, നിങ്ങള്‍ ഇല്ലായിരുന്നെങ്കില്‍ നജീബിന്റെ ജീവിതം ലോകം അറിയുമായിരുന്നില്ല; ഇന്ദ്രജിത്ത്
ചിത്രത്തിലെ നായകന്‍ വിനീത് ശ്രീനിവാസനാണ്. ഒരു രംഗത്ത് അപര്‍ണ ചെയ്ത ശ്രീജ എന്ന കഥാപാത്രത്തോട് പറയുന്ന രംഗമുണ്ട്, ‘ഈ നാറിയെ എനിക്ക് ചെറുപ്പം തൊട്ടേ അറിയാം. ഇവനെ പോലൊരു വായി നോക്കി ഈ പഞ്ചായത്തില്‍ വേറെ ഇല്ല.
ഇവന്റെ വീട്ടില്‍ വെളിച്ചെണ്ണ വാങ്ങാന്‍ പോലും നീ വന്നു എന്നറിഞ്ഞാല്‍, അതിനെക്കാളും വലിയ അപമാനം വേറെയില്ല’ എന്ന്. പക്ഷെ ആ ഉപദേശം കൊണ്ട് ഗുണമുണ്ടായില്ല. അപര്‍ണ ദീപക്കിനെ തന്നെ കെട്ടാന്‍ പോവുകയാണ്.
‘വിനീതേട്ടന്‍ പണ്ടേ അവളോട് പറഞ്ഞതാ’ എന്ന് പറഞ്ഞ്, ഈ രംഗത്തിനൊപ്പം സേവ് ദ ഡേറ്റും ചേര്‍ത്ത് വച്ചാണ് ദീപക് വീഡിയോ പങ്കുവച്ചിരിയ്ക്കുന്നത്. ‘എന്നെ ട്രോളാന്‍ വേറെ ആരെയും ഞാന്‍ അനുവദിക്കില്ല’ എന്ന് പ്രത്യേകം പറഞ്ഞിട്ടുമുണ്ട്.
