മലയാളികൾക്ക് സുപരിചിതയായ നടിയാണ് രാധിക .ബാലതാരമായി സിനിമയിൽ എത്തി പിന്നീട് മലയാളി പ്രേക്ഷകരുടെ പ്രിയങ്കരിയായി മാറിയ താരമാണ് രാധിക. സഹതാരമായിട്ടാണ് സിനിമയിൽ തിളങ്ങിയതെങ്കിലും ക്ലാസ്മേറ്റ്സ് എന്ന ചിത്രം നടിയുടെ കരിയർ മാറ്റുകയായിരുന്നു.
റസിയ എന്ന കഥാപാത്രം യൂത്തിനിടയിൽ വലിയ ചർച്ചയായിരുന്നു. ഇന്നും രാധികയെ ക്ലാസ്മേറ്റ്സിലെ റസിയ എന്ന കഥാപാത്രത്തിലൂടൊണ് അറിയപ്പെടുന്നത്. വിവാഹ ശേഷം സിനിമയിൽ നിന്ന് വിട്ടു നിൽക്കുകയാണ് താരം. ഇപ്പോഴിതാ ഒരു ചെറിയ ഇടവേളയ്ക്ക് ശേഷം വീണ്ടും സിനിമയിൽ എത്തുകയാണ്. മഞ്ജു വാര്യർ ചിത്രമായ ആയിഷയിലൂടെയാണ് മടങ്ങി എത്തുന്നത്.
ALSO READ
ഇപ്പോഴിതe ചെറിയ ഇടവേളയ്ക്ക് ശേഷം സിനിമയിലേയ്ക്ക് മടങ്ങി എത്താനുള്ള കാരണം വെളിപ്പെടുത്തുകയാണ് രാധിക. ടൈംസ് ഓഫ് ഇന്ത്യയയ്ക്ക് നൽകിയ അഭിമുഖത്തിലാണ് ഇക്കാര്യം പറഞ്ഞത്. മഞ്ജു വാര്യർ ആണ് മടങ്ങി വരവിന്റെ പ്രധാന കാരണമെന്നാണ് നടി പറയുന്നത്. വിവാഹത്തിന് ശേഷം ഭർത്താവിനോടൊപ്പം വിദേശത്താണ് രാധിക താമസം. ആയിഷയുടെ ഷൂട്ടിംഗ് നടക്കുന്നതും വിദേശത്ത് വെച്ചായിരുന്നു നടന്നത്. രാധികയുടെ വാക്കുകൾ ഇങ്ങനെ,
തിരിച്ച് വരവിന്റെ പ്രധാന കാരണം മഞ്ജു വാര്യർ തന്നെയാണ്. മഞ്ജു ചേച്ചിക്കൊപ്പം ഉള്ള സിനിമ ആയത് കൊണ്ടാണ് അയിഷ കമിറ്റ് ചെയ്തത്. മഞ്ജു ചേച്ചിയ്ക്ക് ഒപ്പമുള്ള അഭിനയാനുഭവം പങ്കുവയ്ക്കാൻ വാക്കുകൾക്ക് സാധിക്കില്ല. ശരിയ്ക്കും ലേഡി സൂപ്പർസ്റ്റാർ തന്നെയാണ് മഞ്ജു ചേച്ചി. അവർക്കൊപ്പം കുറച്ച് സ്‌ക്രീനുകൾ പങ്കിടാൻ സാധിച്ചത് എന്റെ ജീവിതത്തിലെ ഏറ്റവും വലിയ അനുഗ്രഹമാണ്. അയിഷയിലെ എന്റെ കഥാപാത്രം രസകരമാണ് എന്നും രാധിക പറയുന്നുണ്ട്.
വിവാഹ ശേഷം യുഎഇയിൽ സെറ്റിൽഡ് ആണ് താരം. ഈ സിനിമ ഭൂരിഭാഗവും ചിത്രീകരണം നടന്നത് യുഎഇയിൽ ആണ് എന്നതാണ് ശ്രദ്ധേയമായ കാര്യം. ബഹുഭാഷ ചിത്രം എന്നതും, ബിഗ് സെകെയിൽ ചിത്രമാണ് എന്നതും സിനിമ ഏറ്റെടുക്കാനുള്ള കാരണമായി രാധിക പറയുന്നു. വളരെ രസകരമായിരുന്നുവത്രെ സെറ്റിലുള്ള ഓരോ ദിവസവും. ചെറുപ്പക്കാരായ മൾട്ടി നാഷണൽ ക്രൂ ആണ് സിനിമയ്ക്ക് പിന്നിൽ പ്രവൃത്തിച്ചിരിയ്ക്കുന്നത്.
മഞ്ജു വാര്യരുടെ ബഹുഭാഷ ചിത്രത്തിന് വേണ്ടി ഡാൻസ് കൊറിയോഗ്രാഫി ചെയ്തിരിക്കുന്നത് പ്രഭുദേവയാണ്. ഇത് മറ്റൊരു കാരണമായി രാധിക പറയുന്നു. ഈ ഒരു ഭാഗത്ത് കുറച്ച് സെക്കന്റുകൾ തനിയ്ക്കും ഭാഗമാകാൻ കഴിഞ്ഞു എന്നതാണ് രാധിക തിരിച്ചുവരവിൽ സന്തോഷിക്കുന്ന മൂന്നാമത്തെ കാര്യം. കുറച്ച് സെക്കന്റുകൾ മാത്രമേ ഉള്ളൂവെങ്കിലും ആ അനുഭവം തനിയ്ക്ക് രോമാഞ്ചമുണ്ടാക്കി എന്നും താരം പറയുന്നുണ്ട്.
ALSO READ
മഞ്ജു വാര്യർ പ്രധാന വേഷത്തിൽ എത്തുന്ന ഇന്തോ-അറബിക് ചിത്രമാണ് ആയിഷ. നവാഗതനായ ആമിർ പള്ളിക്കാൽ സംവിധാനം ചെയ്യുന്ന ചിത്രത്തിന്റെ രചന ആഷിഫ് കക്കോടിയാണ്. മലയാളത്തിന് പുറമെ ഇഗ്ലീഷിലും അറബിയിലും പുറത്തിങ്ങുന്ന ചിത്രം , തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യൻ ഭാഷാ പതിപ്പുകളിലും എത്തുന്നുണ്ട്. മഞ്ജു വാര്യർക്കൊപ്പം രാധിക, സജ്ന, പൂർണിമ , ലത്തീഫ( ടുണീഷ്യ), സലാമ(യു.എ.ഇ.), ജെന്നിഫർ (ഫിലിപ്പൈൻസ് ), സറഫീന (നൈജീരിയ) സുമയ്യ (യമൻ), ഇസ്ലാം (സിറിയ) തുടങ്ങിയ വിദേശ താരങ്ങളും അണിനിരക്കുന്നുണ്ട്.
എം ജയചന്ദ്രൻ സംഗീത നിർവഹണം നടത്തുന്ന ചിത്രത്തിൽ പ്രശസ്ത ഇന്ത്യൻ അറബി പിന്നണി ഗായകർ പാടുന്നുണ്ട് . ഛായാഗ്രഹണം വിഷ്ണു ശർമ നിർവഹിക്കുന്നു.ക്രോസ് ബോർഡർ ക്യാമറയുടെ ബാനറിൽ സക്കറിയ നിർമ്മിക്കുന്ന ചിത്രത്തിന്റെ സഹ നിർമ്മാതാക്കൾ ഫെദർ ടച്ച് മൂവി ബോക്സ്, ഇമാജിൻ സിനിമാസ്, ലാസ്റ്റ് എക്സിറ്റ് സിനിമാസ് എന്നീ ബാനറുകളിൽ ശംസുദ്ധീൻ , സക്കറിയ വാവാട്, ഹാരിസ് ദേശം , അനീഷ് പി.ബി തുടങ്ങിയവരാണ്.
