മലയാള സിനിമയില്‍ തിയ്യേറ്ററിലെത്താനിരിക്കുന്ന ഏറ്റവും പുതിയ ചിത്രമാണ് ക്രിസ്റ്റി. മികച്ച കഥാപാത്രങ്ങളിലൂടെ മലയാളി സിനിമാപ്രേമികളുടെ പ്രിയങ്കരനായി തീര്‍ന്ന മാത്യവും തെന്നിന്ത്യന്‍ സിനിമയില്‍ സജീവമായ നടി മാളവിക മോഹനുമാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്.
ചിത്രം തിയ്യേറ്ററിലെത്താനുള്ള അവസാനഘട്ട ഒരുക്കങ്ങളിലാണ്. യഥാര്‍ത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. മാലിദ്വീപും തിരുവനന്തപുരവുമൊക്കെയാണ് ചിത്രത്തിന്റെ ലൊക്കേഷന്‍.
ബെന്യാമിനും ജി ആര്‍ ഇന്ദുഗോപനും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ക്രിസ്റ്റി ഒരു റൊമാന്റിക് ഫീല്‍ഗുഡ് ചിത്രമായിരിക്കുമെന്നാണ് സൂചനകള്‍. ഇപ്പോഴിതാ ചിത്രത്തിന്റെ ട്രേയിലര്‍ പുറത്തെത്തിയിരിക്കുകയാണ്. ക്രിസ്റ്റി എന്ന കൗമാരക്കാരന്റെ സ്‌കൂള്‍ ജീവിതത്തിലൂടെയും അവന്റെ പ്രണയത്തിലൂടെയുമൊക്കെയാണ് സിനിമയുടെ ട്രെയ്ലര്‍ പോകുന്നത്.
വലരെഉഴപ്പനായ ക്രിസ്റ്റിയെ പഠിപ്പിക്കാന്‍ ഒരു ട്യൂഷന്‍ ചേച്ചി വരുന്നു. പ്രായത്തില്‍ മുതിര്‍ന്ന ട്യൂഷന്‍ ചേച്ചിയോട് ക്രിസ്റ്റിക്ക് പ്രണയം തോന്നുന്നു. തുടര്‍ന്നുണ്ടാകുന്ന സംഭവ വികാസങ്ങളാണ് ക്രിസ്റ്റി സിനിമ പറയുന്നത്.
സോഷ്യല്‍മീഡിയയിലൂടെ ടൊവിനോ തോമസ്, വിജയ് സേതുപതി, സാമന്ത, കത്രീന കൈഫ് എന്നിവരാണ് ക്രിസ്റ്റിയുടെ ട്രെയ്ലര്‍ പുറത്ത് വിട്ടത്. നവാഗതനായ ആല്‍വിന്‍ ഹെന്റിയാണ് സംവിധാനം ചെയ്യുന്നത്. നേരത്തെ ചിത്രത്തിന്റെ പ്രമോഷന്റെ ഭാഗമായി മാളവിക പോസ്റ്റ് ചെയ്ത വീഡിയോ ശ്രദ്ധ നേടിയിരുന്നു.
നേരത്തെ, സിനിമയില്‍ മാളവിക മോഹനനുമായി ജോലി ചെയ്യാന്‍ കഴിഞ്ഞത് വലിയ ഭാഗ്യമാണെന്നു മാത്യു പറയുന്നു. മാളവികയ്ക്കൊപ്പം ജോലി ചെയ്തത് എങ്ങനെയുണ്ട് എന്നായിരുന്നു എന്ന മാളവികയുടെ ചോദ്യത്തോട് രസകരം, അവര്‍ സുന്ദരിയാണെന്നും മാത്യു പറഞ്ഞിരുന്നു.
ആനന്ദ് സി ചന്ദ്രന്‍ ആണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. ഗോവിന്ദ് വസന്തയാണ് സംഗീത സംവിധാനം. റോക്കി മൗണ്ടന്‍ സിനിമാ സിന്റ് ബാനറില്‍ സജയ് സെബാസ്റ്റ്യനും കണ്ണന്‍ സതീശനും ചേര്‍ന്നാന്ന് ചിത്രം നിര്‍മിക്കുന്നത്.
