മലയാളികളുടെ പ്രിയപ്പെട്ട നടന്മാരില്‍ ഒരാളാണ് സുരേഷ് ഗോപി. ഒരു മികച്ച നടന്‍ എന്നതിലുപരിയായി ഒരു രാഷ്ട്രീയ പ്രവര്‍ത്തകനും അതിനേക്കാള്‍ നല്ലൊരു മനുഷ്യസ്‌നേഹിയും കൂടിയാണ് അദ്ദേഹം.
ബുദ്ധിമുട്ടുകള്‍ അനുഭവിക്കുന്ന ഒത്തിരി പേര്‍ക്ക് അദ്ദേഹം കൈത്താങ്ങായി എത്തിയിട്ടുണ്ട്. ഇപ്പോഴിതാ സമൂഹത്തില്‍ ഒത്തിരി അവഗണനകള്‍ നേരിടുന്ന ട്രാന്‍സ്‌ജെന്‍ഡേഴ്‌സിനൊപ്പം ഓണം ആഘോഷിച്ച സുരേഷ് ഗോപിയുടെ ചിത്രങ്ങളാണ് വൈറലാവുന്നത്.
Also Read: എന്റെ ശക്തിയുടെ നെടുംതൂണായിരിക്കുന്നതിന് നന്ദി; ഭാര്യയെ കുറിച്ച് വിജയ് ബാബു
മുംബൈ ആസ്ഥാനമായ പ്രതീക്ഷ ഫൗണ്ടേഷന്റെയും നിലാ ചാരിറ്റബിള്‍ സൗസൈറ്റിയുടെയും സംയുക്താഭിമുഖ്യത്തില്‍ തൃശ്ശൂര്‍ കൗസ്തുഭം ഓഡിറ്റോറിയത്തില്‍ വെച്ചായിരുന്നു ഓണം പരിപാടി സംഘടിപ്പിച്ചത്.
ഓണം ട്രാന്‍സ്‌ജെന്‍ജേഴ്‌സിനൊപ്പം എന്നായിരുന്നു പരിപാടിയുടെ പേര്. മുഖ്യ അതിഥിയായി എത്തിയ സുരേഷ് ഗോപി പരിപാടി ഉദ്ഘാടനം ചെയ്ത് അഭിരാമി എന്ന സഹോദരിക്ക് ഐഎഎസ് പഠനത്തിന് ആവശ്യമായ മുഴുവന്‍ സഹായവും വാഗ്ദാനം ചെയ്തു.
Also Read: ഒരേ സമയം മോഹന്‍ലാലിന്റെ രണ്ട് സിനിമ തീയ്യേറ്ററിലേക്ക്; അങ്ങനെ ആണേല്‍ ബറോസും വാലിബനും ഏറ്റുമുട്ടും
ഇത് കൂടാതെ ട്രാന്‍സ്‌ജെന്‍ഡേഴ്‌സ് സമൂഹത്തിന് എല്ലാവിധ സഹായങ്ങളും അദ്ദേഹം വാഗ്ദാനം ചെയ്തിട്ടുണ്ട്. വിവിധ കലാപരിപാടികള്‍ ചടങ്ങില്‍ അവതരിപ്പിച്ചു. ഓണസദ്യയും കഴിച്ചാണ് സുരേഷ് ഗോപി മടങ്ങിയത്.
