മലയാളികള്‍ക്ക് ഏറെ സുപരിചിതയായ സിനിമാ നടിയും മിനിസ്‌ക്രീന്‍ താരവുമാണ് മാളവിക കൃഷ്ണദാസ്. ആക്ടിംഗ് റിയാലിറ്റി ഷോയിലൂടെ ആണ് മാളവിക ശ്രദ്ധേയ ആയത്. മികച്ച നര്‍ത്തകി കൂടിയായ മാളവികയുടെ റീല്‍സെല്ലാം വൈറലാവാറുമുണ്ട്.
ഇതിനിടെ താരം റിയാലിറ്റി ഷോയിലെ സഹമത്സരാര്‍ത്ഥിയായിരുന്ന തേജസ് ജ്യോതിയെ വിവാഹം ചെയ്തിരിക്കുകയാണ്. താരങ്ങളുടെ വിവാഹത്തിന് സിനിമ സീരിയല്‍ മേഖലയില്‍ നിന്നുമായി നിരവധി പേരാണ് പങ്കെടുത്തത്.
ഇതിന് ശേഷം തായ്‌ലന്‍ഡിലേക്കായിരുന്നു ഇരുവരും ഹണിമൂണ്‍ പോയത്. ഇവിടുത്തെ വിശേഷങ്ങളെല്ലാം മാളവിക യൂട്യൂബ് ചാനലിലൂടെ പങ്കുവെച്ചിരുന്നു. ഇതിന് ശേഷം ദുബായിയിലേക്ക് മടങ്ങിയിരിക്കുകയാണ് മാളവികയും തേജസും.
ഇപ്പോഴിതാ വലിയ സന്തോഷവാര്‍ത്ത ആരാധകരുമായി പങ്കുവെക്കുകയാണ് മാളവിക. യൂട്യൂബില്‍ വണ്‍മില്യണ്‍ സബ്‌സ്‌ക്രൈബേഴ്‌സായിരിക്കുകയാണ്. ഇതിന്റെ സന്തോഷത്തിലായിരുന്നു തേജസും കുടുംബവുമാക്കെ. ഇതിന്റെ വീഡിയോ താരം പങ്കുവെച്ചിട്ടുണ്ട്.
അതേസമയം, ഈ സന്തോഷ നിമിഷത്തില്‍ തന്റെ അമ്മയെ തനിക്ക് മിസ് ചെയ്യുന്നുണ്ടെന്നും തനിക്ക് ഈ ഭാഗ്യം തന്നത് പ്രേക്ഷകരാണെന്നും ഒത്തിരി സന്തോഷമുണ്ടെന്നും മാളവിക പറയുന്നു. മാളവികയ്ക്ക് ആശംസകള്‍ നേരുകയാണ് ആരാധകര്‍. ഇത്രയും പെട്ടെന്ന് പ്രതീക്ഷിച്ചില്ലെന്നും ഇനിയും മുന്നേറണമെന്നും ആരാധകര്‍ പറയുന്നു.
