ചെറിയ വേഷങ്ങളിലൂടെയും വില്ലന്‍ വേഷങ്ങളിലൂടെയും മലയാളികള്‍ക്ക് മലയാളികള്‍ക്ക് ഏറെ സുപരിചിതനായ നടന്‍ ആണ് ബിജു പപ്പന്. നിരവധി ചിത്രങ്ങളില്‍ വേഷമിട്ടിട്ടുള്ള ബിജു പപ്പന് സൂപ്പര്‍താര ചിത്രങ്ങളിലെ സ്ഥിര സാന്നിധ്യം കൂടിയാണ്.
മലയാളത്തിന്റെ താരരാജാക്കന്‍മാരായ മോഹന്‍ലാലിനും മമ്മൂട്ടിക്കും സുരേഷ് ഗോപിക്കും ഒപ്പമെല്ലാം പല ചിത്രങ്ങളിലും ശ്രദ്ദേയമായ വേഷങ്ങളില്‍ ബിജു പപ്പന് അഭിനയിച്ചിട്ടുണ്ട്.
1993ല്‍ സമൂഹം എന്ന സത്യന്‍ അന്തിക്കാട് ചിത്രത്തിലൂടെ കരിയര്‍ ആരംഭിച്ച ബിജു അധികവും വില്ലന്‍ വേഷങ്ങളിലായിരുന്നു എത്തിയത്. സിനിമയില്‍ പ്രേക്ഷകരെ വെറുപ്പിക്കുന്ന വില്ലനാണെങ്കിലും ഓഫ്‌സ്‌ക്രീനില്‍ മികച്ച സ്വീകാര്യതയാണ് ഇദ്ദേഹത്തിനുള്ളത്. താരങ്ങളുമായും ബിജു പപ്പന് നല്ല ബന്ധമാണുള്ളത്. ഇന്നും സൂപ്പര്‍ താരങ്ങളുടെ ചിത്രത്തില്‍ നടന്‍ പ്രത്യക്ഷപ്പെടാറുണ്ട്.
ഇപ്പോഴിതാ നടന്‍ രജനികാന്തിനെ കുറിച്ചും പൃഥ്വിരാജിനെ കുറിച്ചും ബിജു പറഞ്ഞ വാക്കുകളാണ് ശ്രദ്ധ നേടുന്നത്. രജനികാന്തിനെ കാണുമ്പോള്‍ ആളുകള്‍ പെട്ടെന്ന് തിരിച്ചറിയുന്നുവെന്നും കാരണം അദ്ദേഹത്തിന്റെ സിനിമ ലക്ഷക്കണക്കിനാളുകള്‍ കാണുന്നത് കൊണ്ടാണെന്നും ബിജു പറഞ്ഞു.
മലയാള സിനിമയില്‍ സീനിയറായിട്ടുള്ളവര്‍ നില്‍ക്കെ നടന്‍ പൃഥ്വിരാജ് തന്റേതായ സ്ഥാനം ഉറപ്പിച്ചുവെന്നും തന്റെ നിലപാടുകളെല്ലാം വ്യക്തമാക്കി അങ്ങനെയൊരു സ്ഥാനത്ത് നില്‍ക്കുന്നതേ ബുദ്ധിമുട്ടാണെന്നും ബിജു പറയുന്നു.
