തെന്നിന്ത്യയിലെ മിന്നും താരമാണ് സ്‌നേഹ. നടൻ പ്രസന്നയുമായുള്ള വിവാഹ ശേഷം ഒരു ചെറിയ ഇടവേള എടുത്തെങ്കിലും ശക്തമായ തിരിച്ചു വരവ് തന്നെയാണ് താരം പിന്നീട് നടത്തിയത്. വിവിധ റിയാലിറ്റി ഷോകളിൽ ജഡ്ജായും താരം പങ്കെടുക്കുന്നുണ്ട്.
മലയാളത്തിൽ ഇങ്ങനെ ഒരു നിലാപക്ഷി എന്ന സിനിമയിലാണ് സ്‌നേഹ ആദ്യമായി അഭിനയിച്ചത്. കുഞ്ചാക്കോ ബോബനായിരുന്നു നായകൻ. പിന്നീട് മോഹൻലാലിനൊപ്പവും, മമ്മൂട്ടിക്ക് ഒപ്പവും അഭിനയിക്കാൻ സ്‌നേഹക്ക് അവസരം ലഭിച്ചു.
Also Read
എനിക്ക് ആലില വയറല്ല ഉള്ളത്, അക്കാര്യം തുറന്നുപറയാൻ എനിക്കൊരു നാണക്കേടുമില്ല; വിദ്യാ ബാലൻ
ഇപ്പോഴിതാ തന്റെ പുതിയ മലയാള സിനിമയുടെ പോസ്റ്റർ പങ്കു വെച്ചിരിക്കുകയാണ് താരം. ബി ഉണ്ണികൃഷ്ണൻ സംവിധാനം ചെയ്യുന്ന ക്രിസ്റ്റഫർ സിനിമയുടെ പോസ്റ്റർ ആണ് താരം പങ്കു വെച്ചിരിക്കുന്നത്. മമ്മൂട്ടിയാണ് ചിത്രത്തിലെ നായകൻ. ബീന മറിയം ചാക്കോ ആയാണ് സ്‌നേഹ ചിത്രത്തിൽ എത്തുന്നത്.
സ്‌നേഹ അവതരിപ്പിക്കുന്ന കഥാപാത്രത്തിന്റെ ക്യാര ക്ടർ പോസ്റ്റർ കഴിഞ്ഞ ദിവസമാണ് സിനിമയുടെ അണിയറ പ്രവർത്തകർ പുറത്തിറക്കിയത്. ബയോഗ്രഫി ഓഫ് എ വിജിലൻറ് കോപ്പ് എന്ന ടാഗ് ലൈനോടെയാണ് ചിത്രം പ്രേക്ഷകരുടെ മുന്നിലേക്കെത്തുക.
Also Read
നടി മയൂരി ജീവൻ ഒടുക്കിയത് എന്തിന്, കാരണം വെളിപ്പെടുത്തി ഉറ്റസുഹൃത്ത് ആയിരുന്നു നടി സംഗീത
കൊടുങ്കാറ്റിനു മുൻപുള്ള ശാന്തത എന്നാണ് തന്റെ ക്യാരക്ടർ പോസ്റ്റർ പങ്കുവെച്ചുകൊണ്ട് സ്‌നേഹ സോഷ്യൽ മീഡിയയിൽ കുറിച്ചത്. ഉദയകൃഷ്ണനാണ് ചിത്രത്തിന്റെ തിരക്കഥ. അമലപോൾ അടക്കമുള്ള വൻ താരനിരയാണ് ചിത്രത്തിന്റെ ഭാഗമാകുന്നത്.
