ആർജെ ആയ കിടിലൻ ഫിറോസ് ബിഗ് ബോസ് പരിപാടിയിലൂടെയാണ് കൂടുതൽ പ്രേക്ഷകർക്ക് സുപരിചിതനാകുന്നത്. ബിഗ് ബോസിൽ വരുന്നതിന് മുൻപ് തന്നെ സാമൂഹ്യ പ്രവർത്തനങ്ങളിൽ സജീവമാണ് ഫിറോസ്.
സനാഥാലയമെന്ന സ്വപ്നം സാക്ഷാത്ക്കരിക്കുന്നതിന് വേണ്ടിയായിരുന്നു ഫിറോസ് ബിഗ് ബോസിലേക്ക് എത്തിയത്. ഇതേക്കുറിച്ച് അദ്ദേഹം തുറന്നുപറഞ്ഞിരുന്നു. മറ്റ് പലർക്കുമായി ഒരു വീട് വെക്കാൻ സാധിക്കണം എന്ന ചിന്തയിലാണ് സനാഥാലയത്തിന്റെ പിറവിയെന്ന് കിടിലം ഫിറോസ് മുൻപേതന്നെ വ്യക്തമാക്കിയിരുന്നു.
ALSO READ
ക്യാൻസർ കാലഘട്ടം ആശുപത്രിയിൽ ചെലവഴിക്കാൻ ആർക്കും താൽപര്യമുണ്ടാവില്ല. മികച്ച രീതിയിലുള്ള സൗകര്യങ്ങളൊരുക്കി രോഗികളെ താമസിപ്പിക്കണം, അതിനായാണ് സനാഥാലയം എന്ന ആശയത്തിലേക്ക് ഫിറോസ് എത്തിയത്. ഈ അടുത്ത ദിവസമായിരുന്നു ഫിറോസിന്റെ സ്വപ്നം പൂവണിഞ്ഞത്. ഇപ്പോഴിതാ സനാഥാലയത്തിലേക്ക് എത്തിയ ബോചെയുടെ മനസ്സിനെകുറിച്ച് പറയുകയാണ് ഫിറോസ്.
ഫിറോസിന്റെ വാക്കുകൾ ഇങ്ങിനെ :
വെളുത്ത വസ്ത്രത്തിൽ സനാഥാലയം ക്യാൻ കെയറിന്റെ തൂവെള്ള അകത്തളങ്ങളിലേക്ക് അദ്ദേഹം വിനയത്തോടെ, സ്‌നേഹത്തോടെ, സന്തോഷത്തോടെ നടന്നു കയറി .ഞങ്ങളൊരുക്കിയ കാൻസർ കെയർ ഹോം നെ അത്ഭുതം എന്നാണ് അദ്ദേഹം വിശേഷിപ്പിച്ചത് പോസിറ്റീവ് എനർജി തുളുമ്പി നിറയുകയായിരുന്നു അദ്ദേഹത്തിന്റെ ഓരോ വാക്കുകളിലും .
എത്രയോ ഉയരങ്ങളിൽ നിലകൊള്ളുന്ന മനുഷ്യനാണ് .പക്ഷേ അതി ലളിതമായി അദ്ദേഹമൊരു തെന്നൽ പോലെ വന്നുപോയി കാൽ കഴുകി കയറുന്ന കിണ്ടി മുതൽ നന്ദുവിന്റെ ആകാശം ലൈബ്രറിയുടെ ഇടനാഴി മുതൽ വേസ്റ്റായി പോകാവുന്ന വസ്തുക്കൾ കൊണ്ട് നിർമിച്ച പൂന്തോട്ടം മുതൽ തികയാത്തവന് ആവശ്യത്തിന് എടുക്കാനുള്ള ഉരുളി മുതൽ കൂടും ,ഇടവും ,വീൽ ചെയർ friendly പാർക്കും കണ്ട് ഒരുപാട് വിടർന്ന കണ്ണുകളുമായി അദ്ദേഹം തിരികെ പോയി .
പോകാനൊരുങ്ങിയപ്പോൾ പെർസെടുത്ത് എണ്ണിനോക്കാതെ വലിയൊരു നോട്ട് കെട്ട് കൈക്കുമ്പിളിൽ വച്ചു തന്നു. എന്താവശ്യത്തിനും ഒപ്പമുണ്ട് എന്ന് പറഞ്ഞു. ആ പണം അദ്ദേഹത്തിന്റെ വലിയമനസാണെന്ന് ബഹുമാനപൂർവ്വം മനസ്സിലാക്കിക്കൊണ്ട് വിനയത്തോടെ തിരികെ നൽകി!
ALSO READ
ഒരു നിമിഷം സ്തബ്ധനായ പോലെ തോന്നി അദ്ദേഹം! ചിലവുകൾ വരും. വച്ചോളൂ എന്ന് ആയി അദ്ദേഹം. നിലവിൽ നമുക്ക് ലഭ്യമാകേണ്ട എല്ലാ ഫർണിച്ചറും, ഗൃഹോപകരണങ്ങളും, മാസ സാധനങ്ങളും ഇന്നിപ്പോ നാട്ടുകാരൊക്കെ തന്നു. സത്യത്തിൽ ഇന്നീ പണത്തിന് ആവശ്യമില്ലാത്തത് കൊണ്ട് മാത്രമാണ്. എവിടെ ആവശ്യം വരുന്നുവോ അപ്പൊ ആ സാധനത്തിന്റെ ആവശ്യമുണ്ട് എന്ന് നേരിട്ടറിയിക്കാം .
സാധനമായി എത്തിച്ചു തന്നാൽ മതിയെന്ന് കേട്ടപ്പോൾ ആ കണ്ണുകൾ പിന്നെയും വിടർന്നു. ഒപ്പമുണ്ട് എന്ന് മാത്രം പറഞ്ഞദ്ദേഹം മനസ് നിറഞ്ഞു ‘സ്‌നേഹത്തിന്റെ പുസ്തകത്തിൽ ‘(സന്ദർശകരുടെ അഭിപ്രായം രേഖപ്പെടുത്തുന്ന പുസ്തകമാണ് )ഇങ്ങനെ കുറിച്ചു : നിങ്ങളെന്നെ ഇഷ്ടം കൊണ്ട് കീഴടക്കി. ബൊചെയെ യെ സ്ഥാപനത്തിലേക്ക് നയിച്ച പ്രിയ സുഹൃത്ത്, സനാഥാലയം ടീം മെമ്പർ കൂടിയായ
ഐസക് സ്റ്റെബിനോട് ഒരുപാട് നന്ദി എന്നും പറഞ്ഞാണ് ഫിറോസ് ഫിറോസ് കുറിപ്പ് അവസാനിപ്പിയ്ക്കുന്നത്.
