മമ്മൂട്ടിയെ നായകനാക്കി അമൽ നീരദ് ഒരുക്കുന്ന സിനിമയായ ‘ഭീഷ്മ പർവ്വം’ വലിയ ആവേശമാണ് ആരാധകരിൽ സൃഷ്ടിച്ചിരിക്കുന്നത്. കഴിഞ്ഞ കുറച്ചു ദിവസങ്ങളായി ചിത്രത്തിലെ ക്യാരക്ടർ പോസ്റ്ററുകൾ പുറത്തുവന്നു കൊണ്ടിരിയ്ക്കുന്നുണ്ട്. ഏബിൾ എന്ന കഥാപാത്രത്തിന്റെ പോസ്റ്ററാണ് അവസാനമായി പുറത്തുവന്നത്. പോസ്റ്റർ പുറത്തുവന്നതു മുതൽ ഭീഷ്മ പർവ്വത്തിൽ വിനീത് ശ്രീനിവാസനും ഉണ്ടോയെന്ന ചർച്ച സമൂഹമാധ്യമങ്ങളിൽ സജീവമായി.
വിനീതുമായി ഏറെ സാമ്യമുള്ള ഫോട്ടോയാണ് ഏബിളിൻറേതായി പുറത്തുവന്നത്.ഇതോടെയാണ് പോസ്റ്ററിലുള്ളത് താനല്ല എന്ന വിശദീകരണവുമായി സാക്ഷാൽ വിനീത് ശ്രീനിവാസൻ തന്നെ രംഗത്ത് എത്തിയത്. ‘സത്യമായിട്ടും ഇത് ഞാനല്ല, ഇത് ഷെബിൻ ബെൻസൺ’ എന്നാണ് വിനീത് ഫേസ്ബുക്കിൽ കുറിച്ചത്.
ALSO READ
സിനിമയുടെ പോസ്റ്ററും വിനീത് പങ്കുവച്ചിട്ടുണ്ട്. പോസ്റ്ററിലെ ഫോട്ടോ ഒറ്റനോട്ടത്തിൽ കണ്ടാൽ വിനീത് ശ്രീനിവാസൻ ആണെന്നേ തോന്നുകയുള്ളൂ. അഭിനയിച്ച് കഴിഞ്ഞ് അതല്ല ിതാണ് എന്നൊക്കെ പറഞ്ഞിട്ട് കാര്യമുണ്ടോ എന്ന് തമാശ രീപേണ ആരാധകർ ചോദിയ്ക്കുന്നുണ്ട്.
ALSO READ
ഇടുക്കി ഗോൾഡ് എന്ന ചിത്രത്തിൽ ബാലതാരമായി എത്തിയ ഷെബിൻ ബെൻസനാണ് ഭീക്ഷ്മ പർവ്വത്തിൽ ഏബിൾ ആയി രംഗത്ത് എത്തുന്നത്. വർഷം, ഇയ്യോബിന്റെ പുസ്തകം, ചിറകൊടിഞ്ഞ കിനാവുകൾ, ഇടി, 10 കൽപനകൾ, കാറ്റ്, മോഹൻലാൽ, വൈറസ്, സുമേഷ് ആൻഡ് രമേഷ് തുടങ്ങിയ സിനിമകളിലും ഷെബിൻ അഭിനയിച്ചിട്ടുണ്ട്. അമൽ നീരദും മമ്മൂട്ടിയും ഒരുമിക്കുന്ന സിനിമയായതിനാൽ ഭീഷ്മപർവ്വത്തിന് വലിയ പ്രതീക്ഷയാണ് ആരാധകർക്കുള്ളത്.
