മലയാള സിനിമാ ലോകത്ത് മികച്ച പ്രേക്ഷക സ്വീകാര്യത നേടിയ ചിത്രമാണ് അയ്യപ്പനും കോശിയും. മരണം കവർന്നെടുക്കും മുൻപ് പ്രിയ കലാകാരൻ സച്ചി പ്രേക്ഷകർക്കായി നൽകിയ സമ്മാനമാണ് അയ്യപ്പനും കോശിയും എന്ന ചിത്രം. ചിത്രം തെലുങ്കിലേക്കും റീമേക്ക് ചെയ്യുകയാണ്. പവൻ കല്യാണും റാണ ദഗുബാട്ടിയുമാണ് തെലുങ്ക് പതിപ്പിൽ പ്രധാന കഥാപാത്രങ്ങളായി എത്തുന്നത്.
നിലവിൽ തെലുങ്ക് പതിപ്പിന്റെ ചിത്രീകരണം പുരോഗമിക്കുകയാണ്. ഇപ്പോഴിതാ പുറത്ത് വന്നിരിക്കുന്ന ചിത്രത്തിലെ പുതിയൊരു വീഡിയോയാണ് വൈറലായി മാറുന്നത്. പവൻ കല്യാൺ ‘ഭീംലനായക്’ എന്ന കേന്ദ്ര കഥാപാത്രമായി എത്തുമ്പോൾ റാണ ദഗ്ഗുപതി ആണ് മറ്റൊരു പ്രധാന വേഷത്തിലുള്ളത്.
ALSO READ
പവൻ കല്യൺ ഭീംല നായകനായി എത്തുമ്പോൾ കുര്യൻ ഡാനിയൽ ശേഖറിനെയാണ് റാണ അവതരിപ്പിക്കുന്നത്. റാണയുടെ കുര്യൻ ഡാനിയൽ ശേഖറിന്റെ ടീസർ ഇപ്പോൾ അണിയറപ്രവർത്തകർ പുറത്ത് വിട്ടിരിക്കുകയാണ്. അഹങ്കാരിയായ കുര്യൻ ഡാനിയൽ ശേഖർ എന്ന കഥാപാത്രത്തെ അവതരിപ്പിച്ചു കൊണ്ടുള്ള ടീസർ വീഡിയോ ട്രെന്റിംഗ് ലിസ്റ്റിൽ മുന്നിലാണ്. ചിത്രം തീയേറ്ററുകളിൽ 2022 ജനുവരി 12ന് പ്രദർശനത്തിന് എത്തുമെന്നാണ് നിലവിലെ വിവരം. നിത്യ മേനോൻ, സമുദ്രക്കനി തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
അയ്യപ്പനും കോശിയും സിനിമയിൽ ആദകചക്ക എന്ന ബിജിഎമ്മിൽ മുണ്ടൂർ മാടൻ വരുന്ന രംഗം തെലുങ്കിൽ മറ്റൊരു രീതിയിൽ മാസ് ആക്ഷൻ രംഗങ്ങൾ ചേർത്ത് ആവിഷ്‌കരിച്ചതിന്റെ ഒരു വീഡിയോയും നേരത്തേ സോഷ്യൽ മീഡിയയുടെ ശ്രദ്ധ പിടിച്ചു പറ്റിയിരുന്നു. സാഗർ കെ. ചന്ദ്ര സംവിധാനം ചെയ്യുന്ന ചിത്രത്തിന് തിരക്കഥയും സംഭാഷണവും നിർവ്വഹിക്കുന്നത് ത്രിവിക്രമാണ്. ചിത്രത്തിന് ഛായാഗ്രഹണം നിർവ്വഹിച്ചത് രവി.കെ ചന്ദ്രനും. സംഗീത സംവിധാനവും നിർവ്വഹിക്കുന്നത് തമനും ആണ്.
സച്ചിയുടെ സംവിധാനത്തിൽ മലയാളത്തിൽ പുറത്തിറങ്ങി നിരൂപകരുടെയും പ്രേക്ഷകരുടെയും മികച്ച അഭിപ്രായങ്ങൾ നേടിയ ചിത്രം ‘അയ്യപ്പനും കോശിയും’ മറ്റു വിവിധ ഭാഷകളിലേക്ക് റീമേക്ക് ചെയ്യപ്പെടുന്നുണ്ട്. തെലുങ്കിൽ ‘ഭീംലനായക്’ എന്ന പേരിലാണ് എത്തുന്നത്. ഇപ്പോൾ ചിത്രത്തിലെ കഥാപാത്രത്തിന്റെ പുതിയ ഗ്ലിംപ്‌സ് വീഡിയോ പുറത്തിറങ്ങിയിരിക്കുകയാണ്. സിത്താര എൻറർറ്റെൻമെൻറ്‌സ് നിർമ്മിക്കുന്ന ചിത്രം ഷൂട്ടിംഗ് വിശേഷങ്ങൾ തെലുങ്കകത്തെ മാത്രമല്ല മോളിവുഡിലെയും ചൂടേറിയ വാർത്തയായി മാറാറുണ്ട്. സ്‌റ്റൈലിഷ് സ്റ്റാർ പവൻ കല്യാൺ നായകനായെത്തുന്ന ചിത്രം തെലുങ്ക് ആരാധകർ ഏറെ പ്രതീക്ഷയോടെയാണ് കാത്തിരിക്കുന്നത്.
ALSO READ
മുൻപ് മുണ്ടും മടക്കികുത്തി ലോഡ്ജിലേക്കെത്തുന്ന പവൻ കല്യണിന്റെ ടീസർ വൈറലായിരുന്നു. മലയാളത്തിൽ വൻ വിജയമായി മാറിയ അയ്യപ്പനും കോശിയും സിനിമയുടെ തെലുങ്ക് റീമേക്കിന്റെ റിലീസിന്റെ എല്ലാ വിശേഷങ്ങളും ആരാധകർ ഇരുകൈയ്യും നീട്ടിയാണ് സ്വീകരിക്കാറുള്ളത്. അത്തരത്തിൽ തന്നെ പുതിയ ടീസറും സിനിമാസ്വാദകർ നെഞ്ചേറ്റിയിരിക്കുകയാണ്.
