ബിഗ് ബോസ് റിയാലിറ്റി ഷോയിൽ അവസാനിക്കുകയും ദിൽഷ പ്രസന്നൻ കിരീടം ചൂടുകയും ചെയ്തുവെങ്കിലും നിരവധിയാളുകളുടെ മനസിൽ ഗ്രാൻഡ് ഫിനാലെയ്ക്ക് ഏറെ മുൻപ് പുറത്തായ ഡോയ. റോബിനാണ്. ബിഗ് ബോസ് ഷോ ആരംഭിച്ച ശേഷം നിരവധി ആരാധകരെ ലഭിച്ച മത്സരാർത്ഥിയായിരുന്നു ഡോക്ടർ റോബിൻ രാധാകൃഷ്ണൻ.
എന്നാൽ വൈൽഡ് കാർഡ് എൻട്രിയായി വന്ന ശക്തനായ എതിരാളി റിയാസ് സലിമിനോട് തർക്കിക്കുന്നതിനിടെ ശാരീരികമായി കൈയ്യേറ്റം ചെയ്തതിലൂടെ പുറത്തേക്കുള്ള വാതിൽ സ്വയം തുറക്കുകയായിരുന്നു റോബിൻ. ഒരുപക്ഷെ റോബിൻ ഹൗസിൽ നിന്നിരുന്നെങ്കിൽ അദ്ദേഹം തന്നെയായിരുന്നു വിന്നർ ആകേണ്ടിയിരുന്നത്. എഴുപതാം ദിവസം ബിഗ് ബോസിൽ നിന്നും പുറത്തായ ഡോക്ടറെ സ്വീകരിക്കുവാൻ നിരവധി പേരാണ് എയർപോർട്ടിലെത്തിയത്.
ഇപ്പോഴും റോബിൻ പങ്കെടുത്ത പരിപാടികളിലെല്ലാം വലിയ ജനസാന്നിധ്യമുണ്ട്. സീസൺ 4 വിന്നറായ ദിൽഷയെക്കാൾ വെള്ളിവെളിച്ചത്തിൽ നിൽക്കുന്നത് റോബിൻ ആണെന്ന് പറയേണ്ടി വരും. അതേസമയം, ഷോയിൽ നിന്നും പുറത്തിറങ്ങിയതുമുതൽ ഉദ്ഘാടനങ്ങളുടേയും അഭിമുഖങ്ങളുടേയും ഷോകളുടേയുമൊക്കെ തിരക്കിലാണ് റോബിൻ. റോബിന്റെ അഭിമുഖങ്ങളെല്ലാം തന്നെ സോഷ്യൽമീഡിയയിൽ വലിയ ചർച്ചയാകുന്നുണ്ട്.
ഇപ്പോഴിതാ റോബിനെ ഇന്റർവ്യൂ ചെയ്ത ഒരു സുന്ദരിയാണ് വാർത്തകളിൽ നിറയുന്നത്. സോഷ്യൽ മീഡിയ ഇപ്പോൾ ഏറ്റവും അധികം തിരയുന്നത് ആരതി എന്ന് പേരുള്ള ഈ സുന്ദരി ആരാണെന്നാണ്. റോബിനെ ഇന്റർവ്യു ചെയ്യാൻ വന്ന് താരമാവുകയായിരുന്നു ആരതി.
അതേസമയം, സോഷ്യൽമീഡിയ ആരതിയുടെ വിവരങ്ങളെല്ലാം തന്നെ തപ്പിയെടുത്തിരിക്കുകയാണ്. താരം ചില്ലറക്കാരി അല്ലെന്ന് റിപ്പോർട്ടുകളിൽ നിന്നു വ്യക്തം. താൻ പങ്കെടുത്ത അഭിമുഖത്തിന് ശേഷം റോബിൻ അവതാരകയ്‌ക്കൊപ്പം നിൽക്കുന്ന ഫോട്ടോ ഇൻസ്റ്റഗ്രാമിൽ പങ്കുവച്ചെതോടെയാണ് ആരതിയെ പ്രേക്ഷകരും ശ്രദ്ധിച്ച് തുടങ്ങിയത്.
റോബിനൊപ്പം ചിത്രത്തിലുള്ളത് അവതാരകയായ ആരതിയാണ്. കോയമ്പത്തൂരിൽ നിന്നും ബിഎസ്‌സി ഫാഷൻ ടെക്‌നോളജി പൂർത്തിയാക്കിയ ആരതി ഒരു ഡിസൈനർ കൂടിയാണ്. കൂടാതെ സ്വയംസംരംഭക കൂടിയാണ് ആരതി. പൊഡീസ് എന്ന ബൊടിക്യു സ്വന്തമായി നടത്തുന്നുണ്ട് താരം. ഇതൊന്നും കൂടാതെ ബിസിനസ്സിനൊപ്പം അഭിനയ ലോകത്തും സജീവമാണ് ആരതി. തെലുങ്കിൽ രണ്ട് സിനിമകൾ ചെയ്തിട്ടുണ്ട്. ഇപ്പോഴിതാ തന്റെ തമിഴ് ചിത്രത്തിന്റെ തിരക്കിലാണ് ആരതി.
ALSO READ- മമ്മൂട്ടിയുടെ ആ സിനിമയുടെ സ്‌ക്രിപ്റ്റ് മോഹൻലാലിന്റെ ലൊക്കേഷനിൽ, അന്ന് സംഭവിച്ചത് ഇങ്ങനെ
ഇക്കാര്യങ്ങളൊക്കെ അന്വേഷിച്ച് അറിഞ്ഞ സോഷ്യൽമീഡിയ ഡിസൈനർ, അവതാരക, സംരംഭക, മോഡൽ, നടി എന്നിങ്ങനെ പലമേഖലകളിൽ കഴിവ് തെളിയിച്ച ബഹുമുഖ പ്രതിഭയായ ആരതിയെ അഭിനന്ദിക്കുകയാണ്. റോബിനെ അഭിമുഖം ചെയ്യാൻ വന്ന അവതാരകരിൽ ഒരാളായിരുന്നു ആരതി. തുടക്കം മുതലേ ചോദ്യങ്ങൾ ഒന്നും ചോദിക്കാതെ റോബിനെ തന്നെ നോക്കിയിരുന്നാണ് ആരതി ശ്രദ്ധിക്കപ്പെട്ടത്.
അതേസമയം, താൻ ബിഗ് ബോസ് മലയാളം സീസൺ 4 പൂർണമായും കണ്ടിട്ടില്ലെന്നും ആരതി പറയുന്നുണ്ട്. പക്ഷെ റോബിൻ വന്ന ഭാഗങ്ങൾ എല്ലാം കണ്ടിട്ടുണ്ട് എന്നും ആരതി പറയുന്നുണ്ടായിരുന്നു.
ബിഗ് ബോസ് മലയാളം സീസൺ 4 അവസാനിച്ചപ്പോൾ നൂറുദിനം തികച്ച് വിജയിയായി മാറിയത് ദിൽഷയാണ്. ബ്ലെസ്ലിയേയും റിയാസിനേയും പിന്തള്ളിയാണ് ദിൽഷ വിന്നറായത്. ലക്ഷ്മിപ്രിയയും ധന്യ മേരി വർഗീസുമായിരുന്നു ടോപ് ഫൈവിലെത്തിയ മറ്റ് താരങ്ങൾ.
