ഒളിച്ച് വെച്ച പോര് മറനീക്കി പുറത്തുവരുന്നു, അരം പ്ലസ് അരം ഭിന്നിപ്പിലേക്ക് ; ഫ്‌ളോറിൽ നിന്ന് ഇങ്ങിപ്പോയി ലക്ഷ്മി പ്രിയ

മിനിസ്‌ക്രീൻ പ്രേക്ഷകരുടെ ജനപ്രിയ താരങ്ങളെല്ലാം ഒന്നിച്ച് അണിനിരക്കുന്ന പരിപാടിയാണ് അരം പ്ലസ് അരം കിന്നരം. സൂര്യ ടിവിയിൽ സംപ്രേഷണം ചെയ്തുവരുന്ന പരിപാടിയിലെ വിശേഷങ്ങളെല്ലാം പെട്ടന്ന് തന്നെ വൈറലാകാറുണ്ട്.

പാട്ടും ഡാൻസും അഭിനയവുമൊക്കെയായി താരങ്ങളെല്ലാം സജീവമാണ്. ആര്യയും ശ്വേത മേനോനുമുൾപ്പടെയുള്ളവരും ഷോയിലുണ്ട്. ശ്വേത മേനോനാണ് പരിപാടി നയിക്കുന്നത്. ഉദ്വേഗഭരിതമായ രംഗങ്ങളാണ് വരാനിരിക്കുന്നതെന്ന് വ്യക്തമാക്കുന്ന പ്രെമോ വീഡിയോയായിരുന്നു കഴിഞ്ഞ ദിവസം പുറത്തുവന്നത്. ലക്ഷ്മി പ്രിയ ഷോയിൽ നിന്നും മാറിയോ എന്നാണ് പ്രേക്ഷകരുടെ സംശയം.\

ALSO READ

ആ ഭാവി പ്രകാശത്തിന്റേതാണ്, പക്ഷേ അവിടെയെത്താൻ ഇരുട്ടിലൂടെ കടന്നുപോകണമെന്നു മാത്രം! ഉള്ളിലെ പ്രകാശത്തെ വിശ്വസിക്കുക ; ആര്യൻ ഖാനെ പിൻതുണച്ച് ഹൃത്വിക് റോഷൻ

അരം പ്ലസ് അരം കിന്നരത്തിലെ പ്രധാന താരങ്ങളിലൊരാളാണ് ലക്ഷ്മി പ്രിയ. പരിപാടിയിൽ നിന്നും ലക്ഷ്മി പ്രിയ പോയൊയെന്നുള്ള ചോദ്യങ്ങളുമായെത്തിയിരിക്കുകയാണ് പ്രേക്ഷകർ. പരിപാടിയുടെ പ്രമോ വീഡിയോ വൈറലായി മാറിയതോടെയാണ് ആരാധകർ സംശയവുമായി എത്തിയത്. റേറ്റിംഗ് കൂട്ടാനുള്ള പ്രാങ്കാണോ ഇതെന്ന തരത്തിലുള്ള ചോദ്യങ്ങളും ഉയരുന്നുണ്ട്

സംവിധായകൻ സിദ്ദിഖ് അതിഥിയായി എത്തിയ എപ്പിസോഡിനിടയിലാണ് നാടകീയ സംഭവങ്ങൾ അരങ്ങേറുന്നത്. സീരിയലിൽ കാണിക്കുന്ന തരത്തിലുള്ള പെണ്ണുങ്ങളുടെ നുണയും കുറ്റവും, നിങ്ങൾക്ക് പറയാനുള്ള കാര്യങ്ങൾ എന്റെ മുഖത്ത് നോക്കി പറയാമായിരുന്നു. 19 പേര് ഒരു മണിക്കൂർ ഇവിടെ ലക്ഷ്മിക്കായി കാത്തിരിക്കുകയാണ്. ലക്ഷ്മി ഒരു സാരി ഉടുത്ത് വരാൻ വേണ്ടി എന്നായിരുന്നു സാജൻ ലക്ഷ്മിയോട് പറഞ്ഞത്. ചേട്ടാ അല്ലായെന്ന് പറഞ്ഞ് തന്റെ ഭാഗം പറയാൻ ശ്രമിക്കുന്ന ലക്ഷ്മി പ്രിയയേയും വീഡിയോയിൽ കാണുന്നു.

ഞാൻ വരുന്ന ദിവസം തന്നെ ഇങ്ങനെയൊരു ഇഷ്യൂ ഉണ്ടായെന്ന് വെച്ചാൽ എന്നായിരുന്നു സിദ്ദിഖ് പറഞ്ഞത്. നിങ്ങളുടെ തലയിൽ ആരും ബോംബൊന്നും ഇട്ടില്ലല്ലോയെന്ന് ചോദിക്കുന്ന പ്രീതയേയും വീഡിയോയിൽ കാണുന്നുണ്ട്. എനിക്ക് ഈ ഫ്ളോറിൽ ഇരിക്കാനായി വളരെയധികം ബുദ്ധിമുട്ടുണ്ട്. ലക്ഷ്മി അങ്ങനെയല്ലെന്ന് പറഞ്ഞ് കാര്യങ്ങൾ വിശദീകരിക്കാൻ സാജൻ സൂര്യ ശ്രമിക്കുന്നുണ്ട്.

സാജൻ കാര്യങ്ങൾ വിശദീകരിക്കാൻ ശ്രമിക്കുന്നുണ്ടെങ്കിലും ഞാൻ പോവുകയാണെന്ന് പറഞ്ഞ് ഇറങ്ങിപ്പോവുകയാണ് ലക്ഷ്മി പ്രിയ ചെയ്യുന്നത്. വികരഭരിതയായി പുറത്തേക്ക് പോയ ലക്ഷ്മിക്ക് പിന്നാലെയായി സാജനും രാജേഷും ചെല്ലുന്നതും വീഡിയോയിൽ കാണുന്നുണ്ട്. ലക്ഷ്മി പോയതോടെ താരങ്ങളെല്ലാം ആശയക്കുഴപ്പത്തിലായി നിൽക്കുന്നതും വീഡിയോയിൽ കാണിക്കുന്നുണ്ട്. ഒളിച്ച് വെച്ച പോര് മറനീക്കി പുറത്തുവരുന്നു അരം പ്ലസ് അരം ഭിന്നിപ്പിലേക്ക് എന്നാണ് പ്രമോ വീഡിയോയിൽ പറയുന്നത്.

ALSO READ

അജിത്തും ശാലിനിയും കാരണം ജോലി നഷ്ടപ്പെട്ടു; നടന്റെ വീടിന് മുന്നിൽ ആ, ത്മ, ഹത്യയ്ക്ക് ശ്രമിച്ച് യുവതി

ദിനേശ് പണിക്കരും സൗപർണിക സുഭാഷുമുൾപ്പടെ നിരവധി താരങ്ങളാണ് അരം പ്ലസ് അരം കിന്നരത്തിന്റെ പ്രമോ വീഡിയോ പങ്കുവെച്ചിട്ടുള്ളത്. ലക്ഷ്മി പ്രിയ പരിപാടിയുടെ ഷൂട്ടിംഗ് ഫ്ളോറിൽ നിന്നും ഇറങ്ങിപ്പോയെന്നാണ് ദിനേശ് പണിക്കർ കുറിച്ചത്. ലക്ഷ്മി ചേച്ചി ഷോ വിട്ട് പോവുമോയെന്ന് ചോദിച്ചായിരുന്നു സൗപർണിക വീഡിയോ ഷെയർ ചെയ്തത്.

കാലങ്ങളായി എത്രയോ പ്രോഗ്രാമുകളുടെ ഭാഗമായിട്ടുണ്ട്. സിനിമകൾ, സീരിയലുകൾ, ഷോസ് അങ്ങനെ. അന്നൊന്നും ഇല്ലാത്ത ടെൻഷൻ ആണ് ഇന്ന് അനുഭവിയ്ക്കുന്നത്. കാരണം ‘സ്വന്തം’ എന്നത് ഉത്തരവാദിത്വവും ടെൻഷനും കൂട്ടുന്നു. ഈ സ്വന്തം എന്ന പദത്തിൽ എല്ലാമുണ്ട്. ‘ആത്മ ‘ പ്രോഡ്യുസ് ചെയ്യുന്നു എന്ന് പറയുമ്പോൾ വ്യക്തിപരമായി ഞങ്ങളെല്ലാവരും പ്രൊഡ്യൂസർമാരാണ്. ഇതിന് മുന്നിലുള്ള മഹത്തായ കാര്യം ഓർക്കുമ്പോൾ കൂടുതൽ ടെൻഷൻ ഉണ്ടാകുന്നു.

കോവിഡ് കിടക്കയിൽ ആയിപ്പോയതിനാൽ പ്രോഗ്രാം സംബന്ധമായ മിക്ക പ്രൊമോസും ഷെയർ ചെയ്യാൻ സാധിച്ചുമില്ല. ശ്രീ മഹാകാളിയുടെ അനുഗ്രഹത്താൽ വൻവിജയമാവാൻ പ്രാർത്ഥിക്കുന്നു. നിങ്ങൾ എല്ലാവരും ഷോ കണ്ട് അഭിപ്രായം അറിയിക്കണം. ഞങ്ങൾ ചെയ്യാനുള്ളത് ചെയ്തു കഴിഞ്ഞു. ഇനി നിങ്ങളുടെ കയ്യിൽ ആണ് എല്ലാമെന്നായിരുന്നു അരം പ്ലസ് അരം കിന്നരത്തെക്കുറിച്ച് നേരത്തെ ലക്ഷ്മി പ്രിയ പറഞ്ഞിട്ടുള്ളത്. എന്ത് തന്നെ ആയാലും ഇത് റേറ്റിങ് കൂട്ടാനുള്ള പ്രാങ്ക് ആണെന്നാണ് ഭൂരിപക്ഷം അഭിപ്രായപ്പെടുന്നത്. യാഥാർത്ഥ്യം അറിയാൻ ഫുൾ എപ്പിസോഡ് വരുന്നത് വരെ കാത്തിരിപ്പിലാണ് പ്രേക്ഷകർ.