മലയാളത്തിന്റെ മെഗാസ്റ്റാര്‍ മമ്മൂട്ടിയുടെ മധുരരാജ തിയേറ്ററുകളില്‍ നിറഞ്ഞ് ഓടുമ്പോള്‍ ചിത്രത്തിലെ അണിയറ പ്രവര്‍ത്തകര്‍ക്കും ആരാധകര്‍ക്കും മമ്മൂട്ടിക്കും നന്ദി പറഞ്ഞ് എത്തിയിരിക്കുകയാണ് നടി അനുശ്രീ.
ചിത്രത്തില്‍ വാസന്തി എന്ന കരുത്തുറ്റ കഥാപാത്രത്തെയാണ് അനുശ്രീ അവതരിപ്പിക്കുന്നത്. തന്റെ ഫേസ്ബുക്ക് പോസ്റ്റിലൂടെയാണ് അനുശ്രി നന്ദി പറഞ്ഞ് രംഗത്തെത്തിയത്.
അനുശ്രീയുടെ ഫേസ്ബുക്ക് പോസ്റ്റ് വായിക്കാം
മറക്കാനാവാത്ത മധുര മനോഹര ഓര്‍മ്മകള്‍ നല്‍കിയ മധുര രാജ. നന്ദി മമ്മൂക്ക, നല്‍കിയ സ്നേഹത്തിനും സപ്പോര്‍ട്ടിനും.
മമ്മൂക്കയോടൊപ്പം അഭിനയിക്കുക എന്ന സ്വപ്നം സാക്ഷാത്കരിക്കാന്‍ അവസരം നല്‍കിയ വൈശാഖേട്ടന് സ്നേഹം നിറഞ്ഞ നന്ദി.
വാസന്തി എന്ന കരുത്തുറ്റ കഥാപാത്രം എനിക്ക് നല്‍കിയ ഉദയേട്ടനും, ചിത്രത്തിലെ മുഴുവന്‍ താരങ്ങള്‍ക്കും സാങ്കേതിക പ്രവര്‍ത്തകര്‍ക്കും അതിലുപരി മധുര രാജയെ സ്നേഹത്തോടെ സ്വീകരിച്ച, സിനിമയെ സ്നേഹിക്കുന്ന, എന്നെ സ്നേഹിക്കുന്ന എല്ലാ പ്രേക്ഷകര്‍ക്കും എന്റെ ഹൃദയം നിറഞ്ഞ നന്ദി.
അതേ സമയം മമ്മൂട്ടിയുടെ അതിഗംഭീര പ്രകടനകളോടെ മധുര രാജ തിയേറ്ററുകളെ കീഴടക്കുകയാണ്. മമ്മൂട്ടിയുടെ കരിയറിലെ ഏറ്റവും വലിയ ബജറ്റ് ചിത്രംമാണ് പോക്കിരിരാജ അതിനെ വെല്ലുന്ന വിജയം മധുരരാജ ഇപ്പോള്‍ തന്നെ ഉറപ്പുവരുത്തി. പുലിമുരുകന്റെ വന്‍ വിജയത്തിന് ശേഷം വൈശാഖ് ഉദയകൃഷ്ണ പീറ്റര്‍ ഹെയ്ന്‍ ടീം മധുരരാജയിലൂടെ വീണ്ടും ഒന്നിച്ചത്.
