വർഷങ്ങളായി തെന്നിന്ത്യൻ നിറഞ്ഞു നിൽക്കുന്ന സൂപ്പർ നായികയാണ് നടി അനുഷ്‌ക ഷെട്ടി. തമിഴിലും തെലുങ്കിലും എല്ലാം നിരവധി സൂപ്പർ ഹിറ്റ് സിനിമകളിൽ വേഷമിട്ട അനുഷ്‌കയ്ക്ക് ആരാധകരും ഏറെയാണ്. യുവ സൂപ്പർതാരങ്ങൾക്കും മുതിർന്ന സൂപ്പർതാരങ്ങൾക്കും എല്ലാം നായിക ആകാറുള്ള അനുഷ്‌ക താരമാകുന്നത് തെലുങ്കിലൂടെയാണ്.
അനുഷ്‌കയുടെ തെലുങ്ക് സിനിമയിലെ സൂപ്പർ നായികയിലേക്കുള്ള വളർച്ച സ്വപ്ന തുല്യം ആയിരുന്നു. സൂപ്പർ എന്ന തെലുങ്ക് ചിത്രത്തിലുടെ അരങ്ങേറ്റം നടത്തിയ അനുഷ്‌ക പിന്നാലെ തമിഴിലേക്കും എത്തി. സുന്ദർ സി സംവിധാനം ചെയ്ത രണ്ട് ആണ് ആദ്യ തമിഴ് ചിത്രം. മാധവൻ ആയിരുന്നു ചിത്രത്തിൽ നായകൻ ആയി എത്തിയത്.
പക്ഷെ ഈ ചിത്രം പ്രതീക്ഷിച്ച വിജയം നേടാത്തതിനാൽ തെലുങ്കിലേക്ക് തന്നെ നടിമടങ്ങി. ഒന്നിന് പിന്നാലെ ഒന്നായി തെലുങ്കിൽ ഹിറ്റുകൾ വന്നതോടെ അനുഷ്‌ക സൂപ്പർ നായികയായി വളർന്നു. ദളപതി വിജയിയുടെ വേട്ടക്കാരൻ എന്ന സിനിമയിലൂടെ തമിഴിലേക്ക് മടങ്ങിയെത്തി വിജയം നേടിയെടുത്ത നടിക്ക് പിന്നീട് തമിഴിലും തിരിഞ്ഞ് നോക്കേണ്ടി വന്നിട്ടില്ല. ബ്രഹാമാണ്ഡ സിനിമകളിൽ അഭിനയിച്ച് സോളോ ഹിറ്റ് അടിച്ച നടി കൂടിയാണ് അനുഷ്‌ക.
ബാഹുബലി സീരിസിന് ശേഷം ഏറെ നാളായി അഭിനയ രംഗത്തുനിന്ന് വിട്ടുനിൽക്കുന്ന അനുഷ്‌ക ഒരു തിരിച്ചുവരവിന് ഒരുങ്ങുകയാണ്. ‘മിസ് ഷെട്ടി മിസ്റ്റർ പൊളിഷെട്ടി’ എന്ന തെലുങ്ക് ചിത്രത്തിലൂടെയാണ് അനുഷ്‌ക നായികയായി തിരിച്ചെത്തുന്നത്. നവീൻ പൊളിഷെട്ടിയാണ് ചിത്രത്തിലെ നായകൻ. മഹേഷ് ബാബു പി. സംവിധാനം ചെയ്യുന്ന ചിത്രത്തിൽ ഷെഫിന്റെ വേഷത്തിലാണ് അനുഷ്‌ക എത്തുന്നത്.
താരം ഇപ്പോഴിതാ വേട്ടൈയ്ക്കാരനിൽ വിജയ്ക്കൊപ്പം അഭിനയിച്ചപ്പോൾ ഉണ്ടായ അനുഭവത്തെ കുറിച്ച് വെളിപ്പെടുത്തിയത് വീണ്ടും ചർച്ചയാവുകയാണ്. താരത്തിന്റെ വാക്കുകൾ ഇങ്ങനെ: ‘ഏൻ ഊച്ചി മണ്ടേലെ’ എന്ന ഗാനം ഷൂട്ട് ചെയ്യാൻ അദ്ദേഹം സെറ്റിലേക്ക് വന്നു. ഞാൻ പ്രാക്ടീസ് ചെയ്യുകയായിരുന്നു. അദ്ദേഹം ഇരുന്ന് വെറുതെ സ്റ്റെപ്പുകൾ നോക്കിയതേയുള്ളൂ. നല്ല ഡാൻസറാണെന്ന് എനിക്ക് അറിയാം. പക്ഷെ ഞാനന്ന് ഇൻഡസ്ട്രിയിൽ തുടക്കകാരിയാണ്.’- താരം തുടരുന്നു.
‘ഞങ്ങൾ ഷോട്ടിന് ഒരുമിച്ച് നിന്നു. ആക്ഷൻ പറഞ്ഞപ്പോൾ അദ്ദേഹത്തിന്റെ എനർജിയും ഫോഴ്സും അവിശ്വസനീയമായിരുന്നു. ഞെട്ടിപ്പോയ ഞാൻ ഡാൻസ് നിർത്തി. എനിക്ക് ഡാൻസ് ചെയ്യാൻ പറ്റിയില്ല. ഒരാൾക്ക് എങ്ങനെ ഇത്രയും എനർജിയിൽ ഡാൻസ് ചെയ്യാൻ പറ്റുമെന്ന് ഞാൻ ആശ്ചര്യപ്പെട്ടു’ അനുഷ്‌ക പറുന്നതിങ്ങനെ.
അതേസമയം, അനുഷ്‌ക ഷെട്ടി നായികയായി ഏറ്റവും ഒടുവിൽ പ്രദർശനത്തിന് എത്തിയ ചിത്രം ‘നിശബ്ദം’ ആണ്. 2020ലായിരുന്നു ചിത്രം റിലീസ് ചെയ്തത്. പിന്നീട് മൂന്ന് വർഷത്തോളം നടി അഭിനയത്തിൽ നിന്നും വിട്ടു നിൽക്കുകയായിരുന്നു.
റോജയിലെ നായിക വേഷം ഞാൻ വേണ്ടെന്ന് വെച്ചത്
