റാമിന്റെ പേരന്‍പ് പ്രേക്ഷകന്റെ ഉള്ളുലയ്ക്കുകയാണ്. സിനിമ കണ്ടിറങ്ങുന്ന ഓരോരുത്തരും ചിത്രത്തെ നെഞ്ചോട് ചേര്‍ത്തു കഴിഞ്ഞു.
അമിത പ്രതീക്ഷയുമായി സിനിമ കാണാനെത്തിയ തന്നെ അതിലും കൂടുതല്‍ അളവില്‍ പേരന്‍പ് സ്വാധീനിച്ചു കഴിഞ്ഞുവെന്ന് നടി അനു സിതാര പറയുന്നു.
പ്രതീക്ഷയുടെ അമിതഭാരവും പേറിയാണ് പേരന്‍പ് കണ്ടത്. എന്റെ പ്രതീക്ഷകളെ എല്ലാം തകിടം മറിക്കുന്ന, അതിലും കൂടുതല്‍ ഇഷ്ടപ്പെടുത്തുന്ന സിനിമയാണ് പേരന്‍പ്.
റാം സാറിന്റെ പേരന്‍പ് അതിമനോഹരം. സാധന, അഞ്ജലി, അഞ്ജലി അമീര്‍ എല്ലാവരും വിസ്മയിപ്പിച്ചു. മമ്മൂക്കയുടെ അഭിനയത്തെ കുറിച്ച്‌ കൂടുതല്‍ എന്ത് പറയാന്‍. വാക്കുകള്‍ കിട്ടുന്നില്ല.
വീണ്ടും ഞാന്‍ പറയുന്നു, ഞാനൊരു മമ്മൂക്ക ഫാന്‍ ആണ്” – അനു സിതാര പറയുന്നു.
ഫെബ്രുവരി ഒന്നിനാണ് ചിത്രം റിലീസ് ചെയ്യുന്നത്. ചിത്രത്തിന്റെ ടീസറുകള്‍ക്കെല്ലാം വലിയ പ്രതികരണങ്ങളാണ്ല ഭിക്കുന്നത്.
തങ്കമീന്‍കളും തരമണി എന്നീ ചിത്രങ്ങള്‍ ഒരുക്കിയാ റാം സംവിധാനം ചെയ്യുന്ന സിനിമയില്‍ സ്പാസ്റ്റിക് പരാലിസിസ് ബാധിച്ച പെണ്‍കുട്ടിയുടെ അച്ഛനായ അമുദന്‍ എന്ന കഥാപാത്രമായാണ് മമ്മൂട്ടി എത്തുന്നത്.
