മലയാളം മിനി സ്‌ക്രീനിലൂടെയും ബിഗ് സ്‌ക്രീനിലൂടെയും പ്രേക്ഷകരുടെ പ്രിയ താരമായി മാറിയ നടിയാണ് അനു ജോസഫ്. ചെറുതും വലുതുമായ നിരവധി കഥാപാത്രങ്ങളെ നടി അവതരിപ്പിച്ചിട്ടുണ്ട്.
മിനിസ്‌ക്രീന്‍ പരമ്പരകളില്‍ കൂടെയാണ് അനു ഏറെ ശ്രദ്ധിക്കപ്പെട്ടത്. കൈരളി ടിവിയിലെ കാര്യം നിസ്സാരം എന്ന പരിപാടിയിലൂടെയാണ് അനു ജോസഫ് ഏറെ പ്രീയങ്കരിയായി മാറിയത്.
അനു എന്ന പേരിനേക്കാളും സത്യഭാമ എന്ന പേരിലൂടെയാണ് മലയാളികളുടെ സ്വന്തം താരമായി അനു മാറിയത്. ഒട്ടനവധി സിനിമകളിലും സീരിയലുകളിലും തിളങ്ങിയിട്ടുണ്ട്.
തന്റെ ഏറ്റവും പ്രിയപ്പെട്ട പൂച്ചകള്‍ക്ക് വേണ്ടി മാത്രം ഒരു പുതിയ വീട്ടിലേക്ക് മാറിയിരിക്കുകയാണ് അനു ജോസഫ്. ഇപ്പോഴിതാ പൂച്ചകള്‍ക്ക് വേണ്ടി ഒരുക്കിയ പുതിയ കൂടിനെ കുറിച്ച് സംസാരിക്കുകയാണ് അനു ജോസഫ്.
താന്‍ പൂച്ചകള്‍ക്ക് വേണ്ടിയാണ് മാറി താമസിച്ചത്. ഇപ്പോള്‍ പൂച്ചകളെ തന്റെ ജീവിതത്തില്‍ നിന്നും മാറ്റി നിര്‍ത്താന്‍ കഴിയില്ലെന്നും ലോക്ക്ഡൗണ്‍ കാലത്താണ് പൂച്ചകളോടുള്ള പ്രേമം തുടങ്ങിയതെന്നും ആദ്യം താമസിച്ച വാടക വീട്ടിലും പൂച്ചകള്‍ക്ക് വേണ്ടുന്ന സൗകര്യങ്ങളെല്ലാം ചെയ്തിരുന്നുവെന്നും അനു പറയുന്നു.
പൂച്ചകളെയെല്ലാം ഇടക്കിടെ മാറ്റാന്‍ പ്രയാസമായതിനാലാണ് താന്‍ കുറച്ച് സ്ഥലം വാങ്ങി വീട് വക്കുന്നതിനെ കുറിച്ച് ആലോചിച്ചത്. ഓരോ ഘട്ടങ്ങളിലായാണ് വീട് പണി തുടങ്ങിയതെന്നും അവിടെ പൂച്ചകള്‍ക്ക് വേണ്ടി മാത്രം 1200 സ്വകയര്‍ഫീറ്റുള്ള ഏരിയ തന്നെ പൂച്ചകള്‍ക്ക് വേണ്ടി ഒരുക്കുകയാണെന്നും അനു പറയുന്നു.
