ഷെയിന്‍ നിഗം, ആന്റണി വര്‍ഗീസ്, നീരജ് മാധവ് തുടങ്ങിയവര്‍ പ്രധാനവേഷത്തിലെത്തിയ ആര്‍ഡിഎക്‌സ് കഴിഞ്ഞ ദിവസമാണ് തിയ്യേറ്ററുകളിലെത്തിയത്. ആദ്യദിവസം തന്നെ മികച്ച പ്രതികരണമാണ് ചിത്രത്തിന് ലഭിച്ചത്.
ഇപ്പോഴിതാ ഒരു ഓണ്‍ലൈന്‍ മീഡിയയ്ക്ക് നല്‍കിയ അഭിമുഖത്തില്‍ ചിത്രത്തെ കുറിച്ചുള്ള വിശേഷങ്ങളും തങ്ങളുടെ വിശേഷങ്ങളും പങ്കുവെക്കുകയാണ് ഷെയ്ന്‍ നിഗവും പെപ്പെയും. ആര്‍ഡിഎക്‌സില്‍ ഒത്തിരി തല്ലുണ്ടെന്നും ഇതൊന്നും കൂടാതെ താനും ഷെയിനും തമ്മില്‍ തല്ലാണെന്ന വാര്‍ത്തയും കണ്ടിരുന്നുവെന്നും പെപ്പെ പറയുന്നു.
ഞാനും ഷെയിന്‍ ബ്രോയും തമ്മില്‍ ഇടിയാണെന്നും തങ്ങള്‍ ഇടിക്കാന്‍ പോയി എന്നൊക്കെയായിരുന്നു വാര്‍ത്തകള്‍. താനും ബ്രോയും തമ്മില്‍ ഒത്തിരി പ്രശ്‌നമാണെന്നും വാര്‍ത്തകള്‍ കണ്ടുവെന്നും ഇതൊക്കെ എഴുതി വിടുന്ന ആളെ കണ്ടാല്‍ ഒരു ഓണത്തല്ല് ഉണ്ടാക്കാമായിരുന്നുവെന്നും പെപ്പെ കൂട്ടിച്ചേര്‍ത്തു.
ഇത്തരം വാര്‍ത്തകളെല്ലാം താന്‍ ഒരു ചെവിയിലൂടെ കേട്ട് മറ്റേ ചെവിയിലൂടെ വിടുന്നതാണ് പതിവെന്നും പെപ്പെ പറഞ്ഞു. ആര്‍ഡിഎക്‌സിലെ ഫൈറ്റ് സീനെല്ലാം സ്റ്റൈലന്‍ ആണെന്നും ഈ ചിത്രത്തിന്റെ ഷൂട്ട് കഴിഞ്ഞപ്പോള്‍ ചില പ്രശ്‌നങ്ങളുണ്ടായിട്ടുണ്ടെന്നും ഷെയ്ന്‍ പറയുന്നു.
തനിക്ക് ഓണം നന്നായി ആഘോഷിച്ചതിന്റെ ഓര്‍മ്മയൊന്നും ഇല്ല. ഓണക്കോടി ഓര്‍മ്മകളുമില്ലെന്നും ഷെയിന്‍ പറയുന്നു. ഉള്ളതുകൊണ്ട് ഹാപ്പിയായിരിക്കാന്‍ നോക്കുക എന്നും ഷെയിനും പെപ്പെയും പറയുന്നു.
