കഴിഞ്ഞ രണ്ട് ദിവസമായി നടി അനസൂയ ഭരദ്വാജ് സൈബർ ആക്രമണത്തിന് ഇരയാവുകയാണ്. നടൻ വിജയ് ദേവരകൊണ്ടയുടെ ആരാധകരാണ് താരത്തിനെ വളഞ്ഞിട്ട് ആക്രമിക്കുന്നത്. നടൻ വിജയ് ദേവ്രകൊണ്ട നായകനായെത്തുന്ന പുതിയ ചിത്രം ലൈഗറിനേക്കുറിച്ചുള്ള ഒരു അഭിപ്രായം പങ്കുവച്ചതിന്റെ പേരിലാണ് അനസൂയയ്‌ക്കെതിരെ ആരാധകർ വിമർശനവുമായി എത്തിയത്.
തന്നെ അധിക്ഷേപിച്ചാൽ പരാതി നൽകുമെന്ന് മുന്നറിയിപ്പുമായി നടി രംഗത്ത് വന്നു. ആന്റി എന്ന ഹാഷ്ടാഗ് ട്വിറ്ററിൽ ട്രെൻഡിങ് ആയത്. പ്രായത്തിന്റെ പേരിൽ കളിയാക്കുന്നതിനെതിരേയും നടി പ്രതികരിച്ചു. പ്രായത്തെ പരിഹസിച്ചാണ് ആന്റി എന്ന് വിളിക്കുന്നത്. അതിലേക്ക് എന്റെ കുടുംബാംഗങ്ങളേയും വലിച്ചിഴയ്ക്കുന്നത്. അവർക്കെതിരെ പരാതി നൽകും.
ന്യായമായ കാരണമില്ലെങ്കിൽ ദു:ഖിക്കേണ്ടി വരും. ഇതെന്റെ അവസാന മുന്നറിയിപ്പാണ്- അനസൂയ പറഞ്ഞു. സ്റ്റോപ് എയ്ജ് ഷെയിമിങ് എന്ന ഹാഷ് ടാഗോടെയാണ് അനസൂയ ട്വിറ്ററിൽ ട്വീറ്റുകൾ പങ്കുവയ്ക്കുന്നത്. സ്ത്രീകളെ വ്യക്തിഹത്യ നടത്തുന്നത് ഇന്ന് സാധാരണ സംഭവമായി മാറിയിരിക്കുകയാണ്.
പ്രതികരിച്ചില്ല എങ്കിൽ നാളെയും ഇതാവർത്തിക്കുമെന്നും അനസൂയ കൂട്ടിച്ചേർത്തു. ഭീഷ്മപർവത്തിൽ മമ്മൂട്ടിയുടെ നായികയായും അനസൂയ എത്തിയിരുന്നു. ആലീസ് എന്ന കഥാപാത്രത്തിലാണ് നടി എത്തിയത്. പുഷ്പയിലെ താരത്തിന്റെ കഥാപാത്രവും ശ്രദ്ധിക്കപ്പെട്ടിരുന്നു. ടെലിവിഷൻ രംഗത്തു നിന്നാണ് 37കാരിയായ അനസൂയ അഭിനയരംഗത്തേക്ക് എത്തുന്നത്. പിന്നീട് 2003ൽ നാഗ എന്ന ചിത്രത്തിലൂടെ സിനിമയിലെത്തി.
