ളരെ പെട്ടെന്ന് തന്നെ ബോളിവുഡ് സിനിമാ ആരാധകരുടെ പ്രിയങ്കരിയായി മാറിയ നടിയാണ് അനന്യ പാണ്ഡെ.ഹിറ്റ് മേക്കർ കരൺ ജോഹറിന്റെ സംവിധാനത്തിൽ പുറത്തിറങ്ങിയ സ്റ്റുഡന്റ് ഓഫ് ദി ഇയർ 2 എന്ന ചിത്രത്തിലൂടെയാണ് അനന്യ പാണ്ഡെ ബോളിവുഡിലേക്ക് അരങ്ങേറിയത്.
ഇപ്പോൾ ഹിന്ദി സിനിമാ മേഖലയിൽ ഏറ്റവും കൂടുതൽ ആരാധകരുള്ള താരങ്ങളിൽ ഒരാളാണ് അനന്യ പാണ്ഡേ. 2019 ഇൽ തന്റെ സിനിമ ജീവിതം ആരംഭിച്ച താരത്തിന് ലഭിച്ച ചിത്രങ്ങൾ കുറവായായിരുന്നു എങ്കിലും മികച്ച വ്യത്യസ്ത വേഷങ്ങളിലൂടെ ആരാധകരെ ആകർഷിക്കാൻ അനന്യക്ക് കഴിഞ്ഞു.
ബോക്സ്ഓഫീസിൽ അനന്യയുടെ മിക്ക ചിത്രങ്ങൾക്കും വലിയ വിജയം നേടാൻ സാധിച്ചില്ലെങ്കിലും നടിക്ക് വലിയ ഒരു ആരാധക വൃന്ദം തന്നെയാണ് ഉള്ളത്. ഇപ്പോഴിതാ താരത്തിന്റെ പിറന്നാൾ സ്പെഷ്യൽ ചിത്രങ്ങളാണ് ഇന്സ്റ്റഗ്രാമിൽ വൈറലാവുന്നത്. മാലിദ്വീപിൽ നിന്നുള്ള പിറന്നാൾ ആഘോഷത്തിന്റെ ചിത്രങ്ങളാണ് അനന്യ പങ്കിട്ടിരിക്കുന്നത്.
അനന്യ തന്റെ 25-ാം പിറന്നാൾ ആഘോഷിക്കാനാണ് മാലിയിലേക്ക് പോയത്. ഇപ്പോഴിതാ അനന്യയ്‌ക്കൊപ്പം കാമുകൻ ആദിത്യ റോയ് കപൂറും മാലി ദ്വീപിൽ ഉണ്ടായിരുന്നുവെന്നാണ് പുറത്തെത്തുന്ന വിവരം.
അനന്യ പല നിറങ്ങൾ കൂടിച്ചേർന്ന മാക്സി ഡ്രെസ്സ് ധരിച്ചുള്ള ചിത്രങ്ങളാണ് ഇൻസ്റ്റിയിൽ പങ്കിട്ടിരിക്കുന്നത്. ഭക്ഷണത്തിനായി മേശയ്ക്ക് മുന്നിൽ ഇരിക്കുന്നതും ബീച്ചിന് സമീപം ഓപ്പൺ തിയേറ്ററിൽ സിനിമ കാണുന്നതും ലൈവ് മ്യൂസിക് ആസ്വദിക്കുന്നതുമെല്ലാം അനന്യയുടെ ചിത്രങ്ങളിലുണ്ട്. അനന്യ തനിച്ചല്ല ഈ ചിത്രങ്ങളിലെന്നും വ്യക്തമാണ്.
അതേസമയം, അനന്യയും ആദിത്യയും മാലിദ്വീപിൽ നിന്നും തിരികെ എത്തുകയും ചെയ്തിരിക്കുകയാണ്. ഇതിനിടെ, മുംബൈ വിമാനത്താവളത്തിൽ നിന്നുള്ള ഇരുവരുടേയും വീഡിയോയും പുറത്തു വന്നിട്ടുണ്ട്.
അനന്യ പാണ്ഡെ പങ്കിട്ട എല്ലാ ചിത്രങ്ങളും പകർത്തിയത് ആദിത്യയാണെന്നാണ് പോസ്റ്റിന് താഴെ ആരാധകർ കമന്റ് ചെയ്യുന്നത്.അതു ശരിവെയ്ക്കുന്നതാണ് താരങ്ങളുടെ മൗനവും.
നേരത്തെ, കഴിഞ്ഞ വർഷമാണ് ആദിത്യ റോയ് കപൂറിനേയും അനന്യ പാണ്ഡേയേയും കുറിച്ചുള്ള ഡേറ്റിംഗ് അഭ്യൂഹങ്ങൾ ആദ്യം ഉയർന്നത്. എന്നാൽ സംഭവത്തിൽ ആദിത്യയോ അനന്യയോ ഇതുവരെ പ്രതികരിച്ചിട്ടുമില്ല.
