മിനിസ്‌ക്രീനിലൂടെയാണ് നടി ആലീസ് ക്രിസ്റ്റിയെ പ്രേക്ഷകര്‍ക്ക് പരിചയം. യൂട്യൂബ് ചാനല്‍ വഴി വിശേഷങ്ങള്‍ പങ്കുവെച്ചുകൊണ്ട് ആലീസ് എത്താറുണ്ട്. ഈ അടുത്ത് കണ്ണിനു സര്‍ജറി കഴിഞ്ഞതിനെ കുറിച്ച് പറഞ്ഞുകൊണ്ട് ആലിസ് ഒരു വീഡിയോ പങ്കുവെച്ചു. കണ്ണട പൂര്‍ണ്ണമായി ഒഴിവാക്കുന്നതിന്റെ ഭാഗമായിട്ടായിരുന്നു സര്‍ജറി.
കണ്ണട വെക്കുന്നതുകൊണ്ട് ഒരുപാട് ബുദ്ധിമുട്ടുകള്‍ നേരിട്ടിരുന്നു. ഒടുവില്‍ ശസ്ത്രക്രിയ ചെയ്യാന്‍ തീരുമാനിച്ചു ആലീസ്. സര്‍ജറിക്ക് പോകുന്നതിനു മുമ്പുള്ള ഒരുക്കങ്ങള്‍ എല്ലാം വീഡിയോയില്‍ നടി കാണിക്കുന്നുണ്ട്. മാത്രമല്ല ഈ സര്‍ജറിയെ കുറിച്ചും വിശദമായിത്തന്നെ നടി പറഞ്ഞു.
50000 രൂപയാണ് എല്ലാം കൂടി തനിക്ക് സര്‍ജറി ചെയ്യാന്‍ വേണ്ടി വന്നതെന്നും നടി പറയുന്നു. ഓപ്പറേഷന്‍ കഴിഞ്ഞതിനുശേഷം നല്ല ക്ഷീണവും വിശപ്പും ആയിരുന്നു, കണ്ണ് ക്ലിയര്‍ ആവാന്‍ രണ്ട് ദിവസം എടുത്തു എന്നും നടി പറഞ്ഞു. 25 മിനിറ്റ് ദൈര്‍ഘ്യം ഉള്ളതായിരുന്നു സര്‍ജറി. അനസ്‌തേഷ്യയുടെ ഡ്രോപ്‌സ് കണ്ണില്‍ ഉറ്റിക്കും അതിനുശേഷമായിരുന്നു സര്‍ജറി. അതേസമയം നേരത്തെയും മറ്റു സിനിമ താരങ്ങള്‍ ഇതേ സര്‍ജറി ചെയ്തിട്ടുണ്ട് .
