മലയാളത്തിലും തമിഴിലുമായി തിളങ്ങിയ നടനായിരുന്നു അജ്മല്‍ അമീര്‍. എന്നാല്‍ ഇപ്പോള്‍ താരം അത്രത്തോളം സിനിമയില്‍ സജീവമല്ല. ഇപ്പോഴിതാ സിനിമാജീവിതത്തെ കുറിച്ച് സംസാരിക്കുകയാണ് അജ്മല്‍ അമീര്‍.
തനിക്ക് സിനിമയില്‍ ചാന്‍സ് ചോദിക്കാന്‍ മടിയായിരുന്നു. എന്നാല്‍ ഇപ്പോള്‍ ഒരു സിനിമ ഇഷ്ടപ്പെട്ടാല്‍ അതിന്റെ സംവിധായകരെ വിളിച്ച് സംസാരിക്കാറുണ്ടെന്നും താന്‍ മാത്രമല്ല മമ്മൂട്ടി വരെ അങ്ങനെ തന്നെയാണ് ചെയ്യുന്നതെന്നും അജ്മല്‍ പറയുന്നു.
അദ്ദേഹമൊക്കെ അങ്ങനെ ചെയ്യുമ്പോള്‍ നമ്മളൊക്കെ ഒന്നുമല്ലല്ലോ. അതുകൊണ്ട് നമുക്കും ചെയ്യാമെന്നും താനും ഇവിടെയുണ്ടെന്നും തനിക്കും അവരുടെ കൂടെ സിനിമ ചെയ്യാന്‍ താത്പര്യമുണ്ടെന്നും അങ്ങനെ കോള്‍ ചെയ്യുന്നതിലൂടെ അവരെ അറിയിക്കാന്‍ കഴിയുമെന്നും അജ്മല്‍ പറയുന്നു.
ഇപ്പോള്‍ താന്‍ ഓരോ സംവിധായകരുടെയും നമ്പര്‍ തേടിപ്പിടിച്ച് കോള്‍ ചെയ്യാറുണ്ട്. തനിക്ക് അവര്‍ക്കൊപ്പം സിനിമകള്‍ ചെയ്യാന്‍ താത്പര്യമുണ്ടെന്ന് അറിയിക്കുമെന്നും പിന്നീട് അവരും തന്നെ വിളിക്കുമെന്നും സിനിമകള്‍ ചെയ്യാന്‍ ശരിക്കും പറഞ്ഞാല്‍ ഒരു ഗോഡ് ഫാദറിന്റെ ആവശ്യമില്ലെന്നും അജ്മല്‍ പറയുന്നു.
സിനിമ ചെയ്യാന്‍ ആഗ്രഹമുണ്ടെങ്കില്‍ അതിനെ ഇഷ്ടപ്പെട്ടാല്‍ മതി. നമ്മുടെ ആഗ്രഹം സത്യസന്ധമാണെങ്കില്‍ ഉറപ്പായും നമുക്ക് സിനിമയില്‍ അവസരം കിട്ടുമെന്നും അതിന് വേണ്ടി ശരിയായ വഴിയിലൂടെ നീങ്ങണമെന്നും അജ്മല്‍ കൂട്ടിച്ചേര്‍ത്തു.
