സൂപ്പർ താരം അജിത്തിന്റെ ഏറ്റവും പുതിയ ചിത്രമാണ് വിഡാ മുയർച്ചി. പ്രേക്ഷകർ ആകാംഷയോടെ കാത്തിരിക്കുന്ന ചിത്രമാണിത്. മഗിഴ് തിരുമേനി സംവിധാനം ചെയ്യുന്ന ഈ ചിത്രം ആക്ഷൻ ത്രില്ലറായിരിക്കും. ഇപ്പോഴിതാ ചിത്രത്തെ സംബന്ധിച്ച പുതിയ റിപ്പോർട്ട് ആണ് പുറത്തുവന്നത്.
അസെർബെയ്ജാനിൽ ഒരു മാസം നീണ്ട ഷെഡ്യൂൾ പൂർത്തിയാക്കി അജിത്ത് ചെന്നൈയിൽ മടങ്ങി എത്തിയെന്നാണ് റിപ്പോർട്ട്. ഇതിന്റെ വീഡിയോയും പുറത്തുവന്നു. കുറച്ച് ദിവസത്തിന് ശേഷം യുഎഇയിലേക്ക് മഗിഴ് തിരുമേനിയുടെ തൃഷ നായികയാകുന്ന വിഡാ മുയർച്ചിയുടെ അടുത്ത ഘട്ട ചിത്രീകരണത്തിനായി നടൻ പോകുമെന്നും ഇപ്പോൾ പുറത്തുവന്ന റിപ്പോർട്ടിൽ പറയുന്നു.
അതേസമയം ഈ സിനിമയെ കുറിച്ചുള്ള വാർത്ത കുറെ ദിവസങ്ങൾക്ക് ശേഷം ആണ് പുറത്തുവന്നത്.
അജിത്ത് നായകനായി വേഷമിട്ടതിൽ തുനിവാണ് ഒടുവിൽ പ്രദർശനത്തിന് എത്തിയത്. മികച്ച വിജയമായി മാറിയിരുന്നു തുനിവ്. സംവിധാനം നിർവഹിച്ചത് എച്ച് വിനോദായിരുന്നു. ബാങ്ക് കൊള്ളയടിക്കുന്നതുമായി ബന്ധപ്പെട്ടായിരുന്നു അജിത്ത് ചിത്രത്തിന്റെ പ്രമേയം.
ഹിറ്റ്‌മേക്കർ അറ്റ്‌ലിയുടെ ഒരു തമിഴ് ചിത്രത്തിൽ അജിത്ത് നായകനാകും എന്ന് റിപ്പോർട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോർട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചർച്ചകളിലാണെന്ന റിപ്പോർട്ടുകൾ ആരാധകർക്കിടയിൽ പ്രചരിക്കുന്നുണ്ട്.
