ആരാധകര്‍ ഏറെയുള്ള നടിയാണ് അഹാന കൃഷ്ണ. കഴിഞ്ഞ ദിവസമായിരുന്നു താരത്തിന്റെ 28 ജന്മദിനം. പിറന്നാള്‍ ദിനത്തില്‍ നിരവധി പേരാണ് അഹാനയ്ക്ക് ആശംസകള്‍ അറിയിച്ച് എത്തിയത്. ഈ ദിനത്തില്‍ മകളെക്കുറിച്ച് പറഞ്ഞുകൊണ്ട് കൃഷ്ണകുമാര്‍ സോഷ്യല്‍ മീഡിയയില്‍ പോസ്റ്റ് പങ്കുവെച്ചു.
പിറന്നാള്‍ ദിനം അടുപ്പിച്ച് തന്റെ രൂപത്തിലും ചെറിയൊരു മാറ്റം വരുത്തിയിരിക്കുകയാണ് നടി. തന്റെ ഇടതൂര്‍ന്ന മുടി വെട്ടിയിരിക്കുകയാണ് അഹാന ഇപ്പോള്‍. അഹാനുടെ മുടിക്ക് തന്നെ ആരാധകര്‍ ഏറെയായിരുന്നു. മുടിയുടെ കാര്യത്തില്‍ ഏറെ ശ്രദ്ധ കൊടുക്കാറുണ്ട് അഹാന.
also read
വരികള്‍ക്കിടയിലൂടെ ജീവിയ്ക്കുക; വീണ്ടും വൈറലായി മീര ജാസ്മിന്റെ വാക്കുകള്‍, എന്തുപറ്റിയെന്ന് ആരാധകരും
ഇതിന്റെ വീഡിയോ ഇന്‍സ്റ്റഗ്രാമിലൂടെയായിരുന്നു താരം പങ്കുവെച്ചത്. പ്രത്യേകമായി ശ്രദ്ധിച്ച് വളര്‍ത്തിയിരുന്ന മുടിയുടെ നീളം കുറച്ചിരിക്കുകയാണ് അഹാന. എന്റെ മുടി വെട്ടിയതിനെക്കുറിച്ച് നിങ്ങള്‍ക്കെന്താണ് തോന്നുന്നതെന്നുമായിരുന്നു അഹാന ചോദിച്ചത്.
ഇതെനിക്കിഷ്ടമായെന്നായിരുന്നു അനുപമ പരമേശ്വരന്‍ പറഞ്ഞത്. നല്ലൊരു മാറ്റമെന്നായിരുന്നു മിയയുടെ കമന്റ്. സ്‌റ്റൈലിഷാണെന്നായിരുന്നു നൂറിന്‍ പറഞ്ഞത്. സാനിയ ഇയ്യപ്പന്‍, അശ്വതി ശ്രീകാന്ത്, രജിഷ വിജയന്‍, നീനു ദീപ്തി സതി തുടങ്ങിയവരെല്ലാം അഹാനയെ അഭിനന്ദിച്ചെത്തിയിരുന്നു.
