പുതുമുഖ സംവിധായകര്‍ക്ക് ഡേറ്റ് നല്‍കുന്ന കാര്യത്തില്‍ മമ്മൂട്ടിയെ കടത്തിവെട്ടാന്‍ ആര്‍ക്കും കഴിഞ്ഞിട്ടില്ല. അവര്‍ക്കിടയില്‍ യൂത്ത്ഐക്കണ്‍ പൃഥ്വിരാജും ഉണ്ടെന്ന് റിപ്പോര്‍ട്ടുകള്‍.
തന്റെ ആദ്യ സംവിധാന സംരംഭത്തില്‍ പൃഥ്വിരാജ് നായകനായി തെരഞ്ഞെടുത്തത് മോഹന്‍ലാലിനെ ആയിരുന്നു. ഇപ്പോഴിതാ, പൃഥ്വിരാജും മമ്മൂട്ടിയും ഒന്നിക്കുന്നുവെന്ന് സൂചന.
ലൂസിഫര്‍ കഴിഞ്ഞാലുടന്‍ തന്നെ പൃഥ്വിരാജ് മമ്മൂട്ടിയെ വെച്ച് ഒരു സിനിമ സംവിധാനം ചെയ്യുന്നുവെന്ന് റിപ്പോര്‍ട്ടുകളുണ്ടായിരുന്നു. ഇത് സത്യമാണെന്നാണ് താരത്തോട് അടുത്ത വൃത്തങ്ങള്‍ സൂചിപ്പിക്കുന്നത്.
മുരളി ഗോപിയുടെ തിരക്കഥയില്‍ തന്നെയായിരിക്കും ഈ സിനിമയും ഒരുങ്ങുകയെന്നാണ് അറിയാന്‍ കഴിയുന്നത്. മലയാളത്തിലെ രണ്ട് ലെജന്‍ഡുകളെയും വച്ച് സിനിമകള്‍ സംവിധാനം ചെയ്യുക എന്ന സ്വപ്നം കൂടി മമ്മൂട്ടിച്ചിത്രത്തോടെ പൃഥ്വി പൂര്‍ത്തിയാക്കും.
.
വമ്ബന്‍ ബജറ്റിയിലായിരിക്കും പൃഥ്വിരാജിന്റെ മമ്മൂട്ടിച്ചിത്രവും വരിക. ആക്ഷനും ഡയലോഗുകള്‍ക്കും പ്രാധാന്യം നല്‍കുന്ന ത്രില്ലറില്‍ ഇന്ത്യയിലെ പ്രധാന താരങ്ങള്‍ അണിനിരക്കുമെന്നും അറിയുന്നു.
അടുത്ത വര്‍ഷം പൃഥ്വിരാജ് മമ്മൂട്ടിച്ചിത്രത്തിന്റെ ജോലികള്‍ ആരംഭിക്കുമെന്നാണ് സൂചനകള്‍. അതേസമയം, റിപ്പോര്‍ട്ടിനെ കുറിച്ച് പൃഥ്വിരാജ് ഇതുവരെ മറുപടിയൊന്നും പറഞ്ഞിട്ടില്ല.
