മിനിസ്‌ക്രീന്‍ സീരിയല്‍ പ്രേക്ഷകരായ മലയാളികള്‍ക്ക് ഏറെ സുപരിചിതരായ താര ദമ്പതികള്‍ ആണ് ജിഷിന്‍ മോഹനും വരദയും. പ്രണയിച്ച് വിവാഹം കഴിച്ചവരാണ് ഇവര്‍. ഇരുവരും ഒരുമിച്ച് അഭിനയിച്ച അമല എന്ന പരമ്പരയുടെ സെറ്റില്‍ വച്ചാണ് പ്രണയത്തിലാകുന്നത്.
ഇതിന് പിന്നാലെ വിവാഹം കഴിക്കുകയും ആയിരുന്നു. സോഷ്യല്‍ മീഡിയയിലും സജീവമായ ദമ്പതികളെ ആരാധകര്‍ക്ക് ഏറെ ഇഷ്ടമാണ്. താരങ്ങള്‍ സമൂഹ മാധ്യമങ്ങളില്‍ പങ്കുവെക്കുന്ന വീഡിയോസും ഇവരുടെ വിശേഷങ്ങളുമൊക്കെ ആരാധകര്‍ വളരെ പെട്ടെന്ന് ഏറ്റെടുക്കുകയും ചെയ്യുന്ന് പതിവാണ്.
കഴിഞ്ഞ കുറച്ച് ദിവസങ്ങളായി ഇരുവരും പിരിഞ്ഞുവെന്ന തരത്തിലുള്ള വാര്‍ത്തകളാണ് എങ്ങും. ഈ വാര്‍ത്തകള്‍ക്കെതിരെ പ്രതികരണവുമായി ജിഷിനും വരദയും നേരത്തെ രംഗത്തെത്തുകയും ചെയ്തിരുന്നു. എന്തിനാണ് ആളുകള്‍ തങ്ങളുടെ ജീവിതത്തിലേക്ക് ഇടിച്ചുകയറി കള്ളം പറയുന്നതെന്ന് വരദ ചോദിച്ചിരുന്നു.
ജീവിതത്തില്‍ തനിച്ചായി എന്ന രീതിയില്‍ ജിഷിന്‍ ഒരു പോസ്റ്റിട്ടിരുന്നു. ഇതിന് പിന്നാലെ തനിച്ചുള്ള യാത്രകള്‍ ആസ്വദിക്കുന്നുവെന്ന് പറഞ്ഞ് വരദയും ഒരു പോസ്റ്റിട്ടിരുന്നു. എന്നാലിപ്പോഴും ഇവര്‍ പിരിഞ്ഞോ എന്ന് സംബന്ധിച്ച് വിശദീകരണമില്ല.
ഇപ്പോഴിതാ സമൂഹമാധ്യമങ്ങളില്‍ വളരെ സജീവമായ വരദ ഏറെ നാളുകള്‍ക്ക് ശേഷം തന്റെ ഏറ്റവും പുതിയ ഒരു വിശേഷം അറിയിച്ചു രംഗത്തെത്തിയിരിക്കുകയാണ്.
ഒരു ഡബ്ബിങ് സ്റ്റുഡിയോയില്‍ നിന്നുമുള്ള ചിത്രങ്ങളാണ് വരദ പങ്കുവെച്ചിരിക്കുന്നത്. ഏറെ നാളുകള്‍ക്കു ശേഷം താന്‍ വീണ്ടും ഒരു കഥാപാത്രത്തിന് ശബ്ദം നല്‍കുകയാണ് എന്നാണ് വരദ പറയുന്നത്. കൂടുതല്‍ വിവരങ്ങള്‍ക്ക് വരും നാളുകളില്‍ അറിയാം എന്നും അതിനു വേണ്ടി കാത്തിരിക്കുകയായിരുന്നുവെന്നും വരദ പറയുന്നു.
എന്തുകൊണ്ടാണ് ഇത്രയും നാള്‍ സ്വന്തം ശബ്ദത്തില്‍ ഡബ്ബ് ചെയ്യാതിരുന്നത് എന്നാണ് ആരാധകര്‍ ചോദിക്കുന്നത്. സ്വന്തമായി ഒരു യൂട്യൂബ് ചാനലുള്ള വരദ തന്റെ ജീവിതത്തിലെ വിശേഷങ്ങള്‍ എല്ലാം തന്നെ തന്റെ ചാനലിലൂടെ ആരാധകരുമായി പങ്കുവെക്കുന്നത് പതിവാണ്.
താരത്തിന്റെ ഒറിജിനല്‍ ശബ്ദം വളരെ മനോഹരമാണല്ലോ എന്നാണ് ആരാധകര്‍ കമന്റ് ചെയ്യുന്നത്. വരദയ്ക്ക് യൂട്യൂബ് വീഡിയോകളിലൂടെ ഞങ്ങള്‍ കേട്ടത് നല്ല ശബ്ദമാണ് എന്നൊക്കെയാണ് കമന്റുകള്‍. താരം അഭിനയിക്കുമ്പോള്‍ മറ്റുള്ള ഡബ്ബിങ് ആര്‍ട്ടിസ്റ്റുകളെ പണി ഏല്‍പ്പിക്കുന്നത് എന്തിനാണ് എന്നും പ്രേക്ഷകര്‍ ചോദിക്കുകയാണ്.
