മലയാളികളുടെ പ്രിയപ്പെട്ട നടി സ്വാസിക വിജയൻറെ വിവാഹം കുറച്ചു ദിവസങ്ങൾക്കു മുമ്പാണ് കഴിഞ്ഞത്. സുഹൃത്തും നടനുമായ പ്രേം ജേക്കബിനെ ആണ് നടി വിവാഹം കഴിച്ചത്. വിവാഹ ആഘോഷത്തിന്റെ ചിത്രങ്ങളും വീഡിയോകളും ഇപ്പോഴും പുറത്തു വന്നുകൊണ്ടിരിക്കുന്നു. തന്റെ വിവാഹ ചിത്രങ്ങൾ സ്വാസികയും പങ്കുവെച്ചിരുന്നു.
നിരവധി താരങ്ങളാണ് ചടങ്ങിൽ പങ്കെടുത്തത്. വിവാഹത്തിന് പിന്നാലെ സുഹൃത്തുക്കളും കസിൻസും ചേർന്ന് നടിയുടെ ആദ്യരാത്രി കുളമാക്കാൻ ശ്രമിച്ചിരിക്കുകയാണ്. ഇതിന്റെ വീഡിയോ ഇപ്പോൾ പുറത്തുവന്നിട്ടുണ്ട്.
‘ഒരു ദിവസം മുഴുവൻ അവൾ കാത്തിരുന്നപ്പോൾ ഞങ്ങൾ നൽകിയ ടാസ്‌ക്’ എന്ന് പറഞ്ഞാണ് നിശാന്ത് മേനോൻ വീഡിയോ പങ്കുവച്ചത്. ‘ഞങ്ങളുടെ ഫസ്റ്റ് നൈറ്റ് കുളമാക്കാൻ ശ്രമിയ്ക്കുന്ന കസിൻസ്’ എന്ന് പറഞ്ഞ് ഒരു വീഡിയോ സ്വാസിക സ്റ്റോറിയാക്കിയും ഇട്ടതോടെ വൈറലാവുകയായിരുന്നു.
പ്രേം ജേക്കബും ഈ വീഡിയോ ഷെയർ ചെയ്തിട്ടുണ്ട്. ഇതിൽ സ്വാസിക മുറിയിലേക്ക് കയറുന്നതും പിന്നാലെ കസിൻസ് പുറത്തുനിന്ന് മുറി ലോക്ക് ചെയ്യുന്നതും കാണാം. ശേഷം റൂമിന്റെ ചാവി പ്രേം തിരഞ്ഞു കണ്ടുപിടിക്കുകയായിരുന്നു, എന്തായാലും രസകരമായ വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
