വാനമ്പാടി എന്ന ഒറ്റ പരമ്പരയിലൂടെ ശ്രദ്ധിക്കപ്പെട്ട താരമാണ് സുചിത്ര. ഇതിലെ താരത്തിന്റെ പോസിറ്റീവും നെഗറ്റീവും നിറഞ്ഞ കഥാപാത്രം പ്രേക്ഷകർ ഏറ്റെടുക്കുകയായിരുന്നു. തുടർന്ന് സീരിയൽ ഒന്നും സുചിത്ര അഭിനയിച്ചിരുന്നില്ല. എന്നാൽ ഇതിന് പിന്നാലെ ബിഗ് ബോസിലേക്ക് പോയ താരം അവിടെ നിന്ന് തിരിച്ചു വന്നശേഷം അവതാരികയായും തിളങ്ങി. 
സോഷ്യൽ മീഡിയയിൽ സജീവമായ നടി തന്റെ വിശേഷങ്ങളൊക്കെ പങ്കുവെച്ച് എത്താറുണ്ട്. തനിക്ക് സിനിമയോടുള്ള ആഗ്രഹത്തെ കുറിച്ചും സുചിത്ര പറഞ്ഞിരുന്നു. സീരിയൽ തന്നെ അഭിനയിക്കാൻ തന്റെ വീട്ടുകാർ തന്നെ വിട്ടിരുന്നില്ല. കുറെ പറഞ്ഞതിനുശേഷം ആണ് ഒന്നിൽ അഭിനയിച്ചോളു, അതിനുശേഷം നിർത്തിക്കോളണം എന്ന് വീട്ടുകാർ പറഞ്ഞതെന്ന് സുചിത്ര പറഞ്ഞിരുന്നു.
എന്നാൽ തനിക്ക് ഒരു സിനിമയിൽ കൂടി അഭിനയിക്കാൻ ആഗ്രഹമുണ്ടെന്ന് നടി പല അഭിമുഖത്തിലും വ്യക്തമാക്കിയിട്ടുണ്ട്. ആ ആഗ്രഹം നടത്താൻ വേണ്ടി നന്നായി കഷ്ടപ്പെടുകയും ചെയ്തിട്ടുണ്ട് സുചിത്ര. താൻ വിവാഹം പോലും മാറ്റിവെച്ചത് ഇതിനുവേണ്ടി ആണെന്ന് സുചിത്ര പറഞ്ഞിരുന്നു.
also read
ഇതൊക്കെ ഇത്രയെ ഉള്ളു; താജ്മഹല്‍ കാണാന്‍ എത്തി അമൃത സുരേഷ്, ചിത്രത്തിന് താഴെ വിമര്‍ശന കമന്റും
ഇപ്പോഴിതാ തന്റെ ആ വലിയ ആഗ്രഹം സഫലമായതിന്റെ സന്തോഷത്തിലാണ് നടി. സിനിമാ പ്രേമികൾ എല്ലാം ഒന്നടങ്കം കാത്തിരിയ്ക്കുന്ന മോഹൻലാൽ ചിത്രമായ മലൈക്കോട്ടൈ വാലിഭനിൽ ആണ് ഈ താരം അഭിനയിച്ചിരിക്കുന്നത്. ലിജോ ജോസ് പെല്ലിശ്ശേരി സംവിധാനം ചെയ്യുന്ന ഈ ചിത്രത്തിലൂടെയാണ് സുചിത്രയുടെ സിനിമാ തുടക്കം.
ചിത്രത്തിൽ ഒരു വേഷം ചെയ്യുന്നുണ്ട് എന്ന് നേരത്തെ സുചിത്ര അറിയിച്ചിരുന്നു. എന്നാൽ എത്രത്തോളം പ്രധാനപ്പെട്ടതാണെന്ന് നടി പറഞ്ഞിരുന്നില്ല. കഴിഞ്ഞ ദിവസം ചിത്രത്തിലെ രണ്ടാമത്തെ പാട്ടിന്റെ ലിറിക്കൽ വീഡിയോയും റിലീസായതോടെയാണ് സുചിത്ര കണ്ട സ്വപ്നം എത്രമാത്രം മനോഹരമായിട്ടാണ് സംഭവിക്കാൻ പോകുന്നത് എന്ന് ഫോളോവേഴ്സിനും ബോധ്യമാകുന്നത്. പാട്ടിൽ മോഹൻലാലിനൊപ്പമാണ് സുചിത്ര എത്തുന്നത്.
