ഒറ്റ ചിത്രത്തിലൂടെ തന്നെ പ്രേക്ഷക മനസ്സില്‍ സ്ഥാനം പിടിച്ച നിരവധി താരങ്ങളെ നമുക്ക് അറിയാം. ഒരുപക്ഷേ ജീവിതകാലം മുഴുവനും ഇവരെ ഓര്‍ക്കാന്‍ ആ ഒരു കഥാപാത്രം തന്നെ ധാരാളമായിരിക്കും. അങ്ങനെ പ്രേക്ഷക മനസ്സില്‍ തങ്ങിനില്‍ക്കുക എന്നത് ചെറിയ കാര്യമല്ല, എല്ലാ താരങ്ങള്‍ക്കും അതില്‍ അവസരവും ലഭിച്ചിട്ടില്ല. പറഞ്ഞുവരുന്നത് നടി പ്രിയ നമ്പ്യാര്‍ എന്ന താരത്തെ കുറിച്ചാണ്.
Also readഎന്റെ സൗന്ദര്യത്തിന്റെ രഹസ്യം അതാണ്; സ്‌നേഹിക്കുന്ന ഭർത്താവുണ്ടെങ്കിൽ ഏതൊരു ഭാര്യയും സുന്ദരിയാവും; ലേഖ ശ്രീകുമാർ
ഒരുപക്ഷേ പ്രിയ നമ്പ്യാര്‍ എന്ന പേര് കേട്ടാല്‍ ആളുകള്‍ക്ക് മനസ്സിലാകണമെന്നില്ല. കുറെ ചിത്രങ്ങള്‍ ഒന്നും ഈ താരം ചെയ്തിട്ടില്ല, ചെയ്ത സിനിമയില്‍ ആണെങ്കില്‍ അധികം സ്‌ക്രീന്‍ സ്‌പേസും കിട്ടിയിട്ടില്ല. എങ്കിലും ദിലീപിന്റെ പെങ്ങളായി വന്ന പ്രിയയെ പ്രേക്ഷകര്‍ക്ക് അത്ര പെട്ടെന്ന് മറക്കാനും കഴിയില്ല. വെട്ടം എന്ന ചിത്രത്തിലൂടെയാണ് പ്രിയ പ്രേക്ഷകര്‍ക്ക് മുന്നില്‍ എത്തുന്നത്. സിനിമയില്‍ നടന്‍ ദിലീപിന്റെ സഹോദരി ആയിട്ടാണ് പ്രിയ വന്നത്.
Also readഅവാർഡ് വാങ്ങി ഞാൻ പ്രതിസന്ധിയിലായി; രണ്ട് വർഷം പണി ഉണ്ടായിരുന്നില്ല; തുറന്ന് പറഞ്ഞ് റസൂൽ പൂക്കുട്ടി
കുറച്ച് സമയമേ സ്‌ക്രീനില്‍ പ്രിയ ഉണ്ടായിരുന്നുള്ളൂ എങ്കിലും അതിനുള്ളില്‍ തന്നെ പ്രേക്ഷക മനസ്സില്‍ സ്ഥാനം നേടാന്‍ ഈ നടിക്ക് സാധിച്ചു. സിനിമയില്‍ പാവാടയും ബ്ലൗസും അണിഞ്ഞ് ഒരു നാടന്‍ പെണ്‍കുട്ടിയായിട്ടായിരുന്നു പ്രിയ എത്തിയിരുന്നത്. ഇന്ദു എന്ന കഥാപാത്രത്തെയാണ് ഈ താരം അവതരിപ്പിച്ചത്.
പത്താം ക്ലാസില്‍ പഠിക്കുമ്പോഴാണ് നടിക്ക് ഈ സിനിമയിലേക്ക് അവസരം ലഭിച്ചത്. നടന്‍ മോഹന്‍ലാല്‍ വഴിയാണ് തനിക്ക് ചിത്രത്തില്‍ അവസരം ലഭിച്ചത് എന്ന് പ്രിയ പറഞ്ഞിരുന്നു. ഇതിന് പിന്നാലെ മറ്റു സിനിമകളിലേക്കും അവസരം ലഭിച്ചു എങ്കിലും വീട്ടുകാര്‍ക്ക് ഞാന്‍ തുടര്‍ന്ന് പഠിക്കണം എന്നതില്‍ നിര്‍ബന്ധം ഉണ്ടായിരുന്നു. അതുകൊണ്ട് സിനിമയില്‍ നിന്നും ഈ താരം മാറി നിന്നു.
ഇപ്പോള്‍ ഓസ്‌ട്രേലിയയില്‍ അനിയന് ഒപ്പം ചേര്‍ന്ന് ബിസിനസ് നടത്തുകയാണ് പ്രിയ. അതിനൊപ്പം ഡാന്‍സ് മുന്നോട്ടുകൊണ്ടുപോകുന്നുണ്ട്. താരത്തിന്റെ കിടിലന്‍ ചിത്രങ്ങള്‍ ആണ് ഇപ്പോള്‍ സമൂഹമാധ്യമങ്ങളില്‍ എത്തിയിരിക്കുന്നത്. ഫോട്ടോ ഇതിനോടകം വൈറല്‍ ആയി.
