ഒരുകാലത്ത് തെന്നിന്ത്യന്‍ സിനിമകളില്‍ തിളങ്ങി നിന്നിരുന്ന നടിയാണ് മുംതാസ്. ഐറ്റം നമ്പറുകളിലൂടെ എത്തി യുവാക്കളുടെ ഹരമായി മാറിയ താരം പലപ്പോഴും ഗ്ലാമറസ് വേഷങ്ങളായിരുന്നു കൈകാര്യം ചെയ്തുകൊണ്ടിരുന്നത്.
താരം മോനിഷ എന്‍ മൊണാലിസ എന്ന ചിത്രത്തിലൂടെയായിരുന്നു അഭിനയ ലോകത്തേക്ക് ചേക്കേറിയത്. പിന്നീട് മിക്ക ഭാഷകളിലെയും ചിത്രങ്ങളിലെ ഐറ്റം നമ്പറുകളിലെല്ലാം താരം പ്രത്യക്ഷപ്പെട്ടു.
മലയാളത്തിലെ ജന നായകന്‍, താണ്ഡവം തുടങ്ങിയ ചിത്രങ്ങളില്‍ താരം അഭിനയിച്ചിരുന്നു.2009 വരെ സിനിമാലോകത്ത് സജീവമായിരുന്ന മുംതാസ് പിന്നീട് ബ്രേക്കെടുത്തിരുന്നു. അതിന് ശേഷം താരം മടങ്ങിവന്നുവെങ്കിലും മൂന്നു സിനിമകള്‍ മാത്രമായിരുന്നു ചെയ്തത്.
പിന്നീട് ഡാന്‍സ് റിയാലിറ്റി ഷോയില്‍ ജഡ്ജായിരും ബിഗ് ബോസില്‍ മത്സരാര്‍ത്ഥിയുമായി താരം എത്തിയിരുന്നു. ഇതിന് ശേഷം സിനിമയില്‍ നിന്നും ടെലിവിഷന്‍ പരിപാടികളില്‍ നിന്നെല്ലാം വിട്ടുനില്‍ക്കുന്ന താരം ഇപ്പോള്‍ പൂര്‍ണ ദൈവവിശ്വാസി ആയി മാറിയിരിക്കുകയാണ്.
സോഷ്യല്‍മീഡിയയില്‍ പങ്കുവെക്കുന്ന ചിത്രങ്ങളിലെല്ലാം പര്‍ദ്ദ ധരിച്ചാണ് പ്രത്യക്ഷപ്പെടുന്നത്. ഇപ്പോഴിതാ താരത്തിന്റെ ഒരു പുതിയ വീഡിയോയാണ് വൈറലായിക്കൊണ്ടിരിക്കുന്നത്. മക്കയില്‍ നിന്നുള്ള വീഡിയോയാണിത്. താന്‍ ഇപ്പോള്‍ മക്കയിലാണെന്നും എല്ലാവര്‍ക്കും വേണ്ടി പ്രാര്‍ത്ഥിക്കാമെന്നും മുംതാസ് പറയുന്നു.
ഒടുവില്‍ താന്‍ ഭൂമിയിലെ തന്റെ ഏറ്റവും പ്രിയപ്പെട്ട സ്ഥലത്തേക്ക് എത്തിയിരിക്കുകയാണെന്നു ഈ സന്തോഷം പറഞ്ഞറിയിക്കാന്‍ പറ്റാത്തതാണെന്നും താരം വീഡിയോയില്‍ പറയുന്നു
