ഇന്ന് മലയാള സീരിയല്‍ രംഗത്ത് തിളങ്ങി നില്‍ക്കുന്ന നടിമാരില്‍ ഒരാളാണ് മാളവിക വെല്‍സ്. മിനസ്‌ക്രീന്‍ പ്രേക്ഷകര്‍ക്കിടയില്‍ ഒത്തിരി ആരാധകരാണ് താരത്തിനുള്ളത്. ബിഗ് സ്‌ക്രീനിലൂടെയാണ് മാളവിക അഭിനയലോകത്തേക്ക് ചുവടുവെച്ചത്.
എന്നാല്‍ മിനിസ്‌ക്രീനില്‍ ആയിരുന്നു ഭാഗ്യം തെളിഞ്ഞത്. മഴവില്‍ മനോരമയില്‍ സംപ്രേക്ഷണം ചെയ്തിരുന്ന പൊന്നമ്പിളി എന്ന സീരിയലാണ് മാളവികയെ മലയാളി മിനിസ്‌ക്രീന്‍ പ്രേക്ഷകരുമായി കൂടുതല്‍ അടുപ്പിച്ചത്. ഇതിലെ പൊന്നു എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.
നിവിന്‍ പോളി, അജു വര്‍ഗീസ് തുടങ്ങിയ യുവതാരങ്ങളെ വെച്ച് വിനീത് ശ്രീനിവാസന്‍ സംവിധാനം ചെയ്ത മലര്‍വാടി ആര്‍ട്‌സ് ക്ലബ് എന്ന ചിത്രത്തിലൂടെയാണ് മാളവിക അഭിനയത്തില്‍ അരങ്ങേറ്റം കുറിച്ചത്. പിന്നീടും സിനിമകള്‍ ചെയ്തുവെങ്കിലും സിനിമയില്‍ തിളങ്ങാന്‍ മാളവികയ്ക്ക് കഴിഞ്ഞില്ല.
അങ്ങനെയാണ് മിനിസ്‌ക്രീനിലേക്ക് ചേക്കേറിയത്. സീരിയലില്‍ മാളവിക ഒത്തിരി ശ്രദ്ധിക്കപ്പെട്ടു. ഇന്ന് മിനിസ്‌ക്രീനിലെ തിരക്കുപിടിച്ച നടിമാരില്‍ ഒരാളായി മാറിയിരിക്കുകയാണ് മാളവിക. മലയാളത്തില്‍ മാത്രമല്ല അന്യഭാഷ സീരിയലുകളിലും നടി അഭിനയിച്ചിട്ടുണ്ട്.
Also Read; ആ വാര്‍ത്തകളെല്ലാം തെറ്റാണ്, തുറന്നടിച്ച് ഷംന ഖാസിം
അതിനിടെ മാളവികയുടെ പേരില്‍ ഗോസിപ്പുകള്‍ ഇറങ്ങിയിരുന്നു. സീരിയലില്‍ ഒപ്പം അഭിനയിക്കുന്ന നടനുമായി മാളവിക പ്രണയത്തിലാണെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ ഇതൊക്കെ തെറ്റാണ് വ്യക്തമാക്കി മാളവിക രംഗത്തെത്തിയിരുന്നു. ആ നടന്റെ വിവാഹം കഴിഞ്ഞതോടെ ഇത്തരം വാര്‍ത്തകളും അവസാനിച്ചു.
