ഹിന്ദി സിനിമയിൽ നിന്നും തെന്നിന്ത്യക്ക് കിട്ടിയ മാണിക്യമാണ് ഖുശ്ബു. ഈ താരത്തിന് ആരാധകർ ഏറെയാണ് . എപ്പോഴും തന്റെ വിശേഷം പങ്കുവെച്ച് ഖുശ്ബു എത്താറുണ്ട്. ഇപ്പോഴിതാ ഖുശ്ബു തെലുങ്ക് സൂപ്പർസ്റ്റാർ വെങ്കടേഷ് ദഗ്ഗുപതിയ്ക്ക് പിറന്നാൾ ആശംസ അറിയിച്ച് എത്തിയിരിക്കുകയാണ്. ഇതിനൊപ്പം 37 വർഷങ്ങൾക്ക് മുൻപ് എടുത്ത ഫോട്ടോയും താരം പങ്കിട്ടു.
”37 വർഷങ്ങളായി എന്റെ തലയിൽ സ്റ്റക്ക് ആയ ഫോട്ടോ ആണിത്. നമ്മൾ പരിചയപ്പെട്ടത് ഇന്നലെയാണെന്നത് പോലെയാണ് എനിക്ക് തോന്നുന്നത്. ഇന്നും നിന്നിൽ ഒന്നും മാറിയിട്ടില്ല. ഓരോ വർഷം പിന്നിടുമ്പോഴും നീ കൂടുതൽ നല്ല വ്യക്തിയായി മാറിക്കൊണ്ടിരിക്കുകയാണ്.
മെന്റൽ ആയ എന്റെ സെന്റി പാർട് ആയി നീ എന്നും തുടരും. എന്റെ പ്രിയപ്പെട്ട വെങ്കിടേഷ്, നിങ്ങൾക്ക് മറ്റൊരു ജന്മദിനം കൂടെ നേരുന്നു. ഒപ്പം ഒരു സൂപ്പർ ഡ്യൂപ്പർ വർഷവും” എന്നാണ് കുശ്ബു സുന്ദർ ഈ ഫോട്ടോയ്ക്കൊപ്പം കുറിച്ചത്. പിന്നാലെ നിരവധി പേരാണ് കമന്റ് കുറിച്ച് എത്തുന്നത്.
അതേസമയം 90 കളിൽ ഖുശ്ബു എന്ന പേര് തരംഗമായിരുന്നു. മഹാരാഷ്ട്രയിലാണ് താരം ജനിച്ചതും, വളർന്നതും. പക്ഷെ തെന്നിന്ത്യൻ സിനിമാ ലോകത്ത് എത്തിയതോടെ താരം തന്റെ ജീവിതം ചെന്നെയിലേക്ക് പറിച്ചു നട്ടു. ഖുശ്ബുവിനെ കാണാൻ വേണ്ടി മാത്രം ആളുകൾ സിനിമ കാണുമായിരുന്നു. ഈ ആരാധന ഒടുവിൽ ഖുശ്ബുവിനായി ഒരു ക്ഷേത്രം തന്നെ നിർമ്മിക്കാൻ കാരണമായി.
