ബാലതാരമായി എത്തി പിന്നീട് തെന്നിന്ത്യൻ സിനിമയിലെ സൂപ്പർ നായികയായി മാറിയ താരമാണ് കീർത്തി സുരേഷ്. മലയാളത്തിലെ നിർമ്മാതാവ് സുരേഷ് കുമാറിന്റെയും പഴയകാല തെന്നിന്ത്യൻ നടി മേനകയുടെയും രണ്ടാമത്തെ മകളാണ് കീർത്തി സുരേഷ്. ഇന്ന് ഈ താരത്തിന് കൈനിറയെ ചിത്രങ്ങളാണ്.
കീർത്തി സുരേഷിന്റെ പുതിയ ചിത്രമാണ് രഘുതാത്ത. കീർത്തി സുരേഷിന്റെ രഘുതാത്തയുടെ ഗ്ലിംപ്‌സ് വീഡിയോ പുറത്തുവിട്ടിരിക്കുകയാണ്.
സുമൻ കുമാറാണ് ചിത്രത്തിന്റെ തിരക്കഥയും സംവിധാനവും നിർവഹിക്കുന്നത്. കീർത്തി സുരേഷിനൊപ്പം സിനിമയിൽ എംഎസ് ഭാസ്‌കറും ദേവദർശനിയും രവിന്ദ്ര വിജയ്‌യും ആനന്ദസാമിയുമൊക്കെയുണ്ട്.
സിനിമയുടെ ഛായാഗ്രാഹണം യാമിനി യഗ്‌നമൂർത്തിയാണ്. സലാറിന്റെ നിർമാതാക്കളായ ഹൊംമ്പാലെ ഫിലിംസിന്റെ ബാനറിലാണ് കീർത്തിയുടെ രഘുതാത്ത എത്തുക. അതേസമയം കീർത്തി സുരേഷ് പ്രധാന കഥാപാത്രമാകുന്ന ചിത്രം സൈറും പ്രദർശനത്തിന് തയ്യാറായിട്ടുണ്ട്.
