ഒരു കാലത്ത് മലയാളം കുടുംബപ്രേക്ഷകര്‍ക്ക് ഏറെ സൂപരിചിതയായ നടിയായിരുന്നു അശ്വതി. മികച്ച നിരവധി പരമ്പരകളില്‍ വേഷം ഇട്ട അശ്വതി എന്ന നടിയെ പറ്റി കേള്‍ക്കുമ്പോള്‍ തന്നെ മിനി സ്‌ക്രീന്‍ പ്രേക്ഷകരുടെ മനസ്സില്‍ ഒരു വില്ലത്തിയുടെയും, ഒരു മാതാവിന്റെയും രൂപമാകും തെളിയുക.
ഇരു വേഷങ്ങളും അതിന്റേതായ വെടിപ്പിലാണ് അശ്വതി കൈകാര്യം ചെയ്തത്. കുങ്കുമപ്പൂവ് എന്ന സീരിയയില്‍ അമല എന്ന വില്ലത്തി കഥാപാത്രത്തെ അവതരിപ്പിച്ചും അല്‍ഫോണ്‍സാമ്മയെ അവതരിപ്പിച്ചും പ്രേക്ഷക പ്രീതിനേടിയ അശ്വതിയെ ആരും മറക്കാനിടയില്ല. അഭിനയത്തില്‍ തിളങ്ങി നിന്നപ്പോഴാണ് താരം വിവാഹിത ആയതും യുഎഇയിലേക്ക് ഭര്‍ത്താവിന്റെ ഒപ്പം പറന്നതും.
ഇപ്പോള്‍ ഭര്‍ത്താവിനൊപ്പം വിദേശത്ത് ആണ് അശ്വതി. ഇവിടെ നിന്നും താരം പങ്കിട്ട വീഡിയോയാണ് പ്രേക്ഷകര്‍ ഏറ്റെടുത്തിരിക്കുന്നത്.
‘മുന്നോട്ട് നോക്കി പുറകോട്ട് നടക്കുമ്പോ ഇതല്ല ഇതിനപ്പുറവും സംഭവിക്കും ഭാഗ്യം താഴെ വീഴാതിരുന്നത് എനിക്കൊരു കറുമുറാമാന്‍ ഉള്ളതോ അതും പറഞ്ഞു തന്നില്ല … ആ ദ്രാവിഡ സംഭവം എന്താണെന്നറിയാന്‍ അവസാനം വരെ കണ്ടാല്‍ മതി’ എന്നായിരുന്നു രസകരമായ പോസ്റ്റിനൊപ്പമുള്ള അശ്വതിയുടെ കുറിപ്പ്.
വീഡിയോയില്‍ സ്വഭാവികമായി വീഡിയോയ്ക്ക് പോസ് ചെയ്ത് ചെറിയ ചെറിയ സ്റ്റെപ്പ് ഇടുന്നതാണ് ആദ്യം കാണുന്നത് എന്നാല്‍ പുറകോട്ട് നടന്ന് ബാരിക്കേഡില്‍ തട്ടി അശ്വതി വീഴാന്‍ പോകുന്നതും കാണാം. പെട്ടെന്ന് ഞെട്ടിപ്പോയ താരം എന്താ പറയാത്തത് എന്ന തരത്തില്‍ പ്രതികരിക്കുന്നതും വീഡിയോയില്‍ കാണാം. വളരെ രസകരമായി ഒരുക്കിയ വീഡിയോ അശ്വതി ആരാധകര്‍ ഏറ്റെടുത്ത് കഴിഞ്ഞു.
