മലയാളികളായ മിനിസ്‌ക്രീന്‍ ബിഗ്സ്‌ക്രീന്‍ പ്രേക്ഷകരുടെ പ്രിയപ്പെട്ട നടിയും അവതാരകയുമാണ് ആര്യ. ഏഷ്യാനെറ്റിലെ ബഡായ് ബംഗ്ലാവ് എന്ന പരിപാടിയില്‍ എത്തിയതോടെ ബഡായ് ആര്യ എന്ന പേരിലാണ് നടി ആര്യ അറിയപ്പെടുന്നത്. ബിഗ് ബോസ് മലയാളത്തിന്റെ രണ്ടാം സീസണില്‍ പങ്കെടുത്തതോട് കൂടി ആര്യയ്ക്ക് കൂടുതലും വിമര്‍ശനങ്ങളാണ് ലഭിച്ചത്.
തോപ്പില്‍ ജോപ്പന്‍, അലമാര, ഹണി ബി 2, പുണ്യാളന്‍ പ്രൈവറ്റ് ലിമിറ്റഡ്, ഗാനഗന്ധര്‍വന്‍, ഉള്‍ട്ട, ഉറിയടി തുടങ്ങി നിരവധി സിനിമകളില്‍ ആര്യ അഭിനയിച്ചിട്ടുണ്ട്. ബിഗ് ബോസില്‍ എത്തിയതോടെയാണ് താരം ഏറെ ശ്രദ്ധിക്കപ്പെടുന്നത്.
ബിഗ്ബോസ് മലയാളം പതിപ്പിലെ ആദ്യ സീസണിലും താരം പങ്കെടുത്തിരുന്നു. സോഷ്യല്‍ മീഡിയയില്‍ ഏറെ സജീവമായ ആര്യ തന്റെ വിശേഷങ്ങളും പുതിയ ഫോട്ടോസും എല്ലാം തന്റെ ആരാധകര്‍ക്ക് ആയി പങ്കുവെയ്ക്കാറുണ്ട്. ഇപ്പോഴിതാ ആര്യ പങ്കുവെച്ച പുതിയ ചിത്രങ്ങളാണ് വൈറലാവുന്നത്.
ഒരു ചെയ്ഞ്ച് ചോദിച്ചവര്‍ക്ക് തന്റെ പുതിയ ചിത്രത്തിലൂടെ കിടിലന്‍ മറുപടിയാണ് താരം നല്‍കിയത്. ഏറെ നാളുകള്‍ക്ക് ശേഷം വീണ്ടും ഷോര്‍ട്ട് ഹെയറിലേക്ക് മാറിയിരിക്കുകയാണ് താരം. ഇതിനുള്ള ക്രെഡിറ്റ് സജിത ആന്‍ഡ് സുജിതിനാണെന്ന് താരം ചിത്രം പങ്കുവെച്ചുകൊണ്ട് കുറിച്ചു.
ആരാധകര്‍ ആര്യയുടെ ചിത്രങ്ങള്‍ ഏറ്റെടുത്ത് കഴിഞ്ഞു. നിരവധി പേരാണ് ചിത്രത്തിന് താഴെ കമന്റുകള്‍ ചെയ്തത്. കിടിലന്‍ ലുക്ക്, അടിപൊളി, സുന്ദരിയായി തുടങ്ങിയ കമന്റുകളൊക്കെയായിരുന്നു ചിത്രത്തിന് താഴെ വന്നത്.
