ഏഷ്യാനെറ്റിലെ സാന്ത്വനം എന്ന ഹിറ്റ് സീരിയലിലൂടെ മലയാളി പ്രേക്ഷകര്‍ക്ക് സുപരിചിതയാണ് നടി അപ്സര. മലയാളികളുടെ പ്രിയപ്പെട്ട സീരിയല്‍ നടി അപ്സരയും സംവിധായകന്‍ ആല്‍ബിയും വിവാഹിതരാവുന്നത് കഴിഞ്ഞ നവംബറില്‍ ആയിരുന്നു .
ഒരുമിച്ച് ടെലിവിഷന്‍ പരിപാടികളില്‍ പങ്കെടുത്തിരുന്ന താരങ്ങള്‍ ഇഷ്ടത്തില്‍ ആവുകയായിരുന്നു. തുടക്കത്തില്‍ വീട്ടുകാരുടെ എതിര്‍പ്പ് ഉണ്ടായിരുന്നെങ്കിലും പിന്നീട് അവര്‍ സമ്മതിച്ചു. ശേഷം ഇരുവീട്ടുകാരുടെയും സമ്മതത്തോടെയാണ് താരങ്ങള്‍ കുടുംബജീവിതത്തിലേക്ക് പ്രവേശിച്ചത്.
കൈരളി ടിവിയിലെ പ്രോഗ്രാം ഡയറക്ടറാണ് ആല്‍ബി. കൈരളിയില്‍ വെച്ചുള്ള പരിചയമാണ് പ്രണയത്തിലേക്ക് എത്തിയത്. യൂട്യൂബിലും മറ്റ് സോഷ്യല്‍മീഡിയയിലുമെല്ലാം സജീവമാണ് താരദമ്പതികള്‍. മലയാളി പ്രേക്ഷകരുടെ പ്രിയപ്പെട്ട റിയാലിറ്റി ഷോയായ ബിഗ് ബോസില്‍ മത്സരാര്‍ത്ഥിയായി എത്തിയിരിക്കുകയാണിപ്പോള്‍ അപ്സര.
ആല്‍ബിയുമായുള്ള വിവാഹം അപ്‌സരയുടേത് രണ്ടാം വിവാഹമായിരുന്നു.ആദ്യ വിവാഹം പിരിഞ്ഞതിന്റെ സങ്കടത്തിലായിരിക്കുമ്പോഴായിരുന്നു ആല്‍ബി പ്രൊപ്പോസ് ചെയ്തതെന്നും എന്നാല്‍ വീട്ടുകാര്‍ക്ക് ഇതില്‍ എതിര്‍പ്പായിരുന്നുവെന്നും അപ്സര നേരത്തെ പറഞ്ഞിരുന്നു.
ക്രിസ്്ത്യാനിയായ ആല്‍ബിയെ വിവാഹം കഴിക്കുന്നതായിരുന്നു വീട്ടുകാരെ ചൊടിപ്പിച്ചത്. എന്നാല്‍ അവരുടെ സങ്കടം കാലാകാലം കാണാന്‍ വയ്യാത്തതുകൊണ്ടായിരുന്നു അവരെ കാര്യങ്ങളെല്ലാം പറഞ്ഞ് മനസ്സിലാക്കി വിവാഹം മതിയെന്നും കാത്തിരിക്കാമെന്നും തീരുമാനിച്ചതെന്നും പിന്നീട് അവരുടെ സമ്മതത്തോടെ തന്നെയായിരുന്നു വിവാഹമെന്നും അപ്സര പറഞ്ഞു.
