തെന്നിന്ത്യന്‍ സിനിമാ ആരാധകര്‍ക്ക് ഏറെ പ്രിയപ്പെട്ട താരദമ്പതികള്‍ ആണ് സൂര്യയും ജ്യോതികയും. പ്രണയിച്ച് വിവാഹിതരായ ഇരുവരും സിനിമാ ലോകത്തെ തന്നെ മാതൃകാ ദമ്പതികള്‍ ആണ് . ഇരുവരുടെയും പ്രണയവും സ്‌നേഹവും പരസ്പര ബഹുമാനവുമെല്ലാം പല പൊതുവേദികളില്‍ വച്ചു ഇവര്‍ പരസ്യമായി പ്രകടിപ്പിച്ചതാണ്.
വിവാഹശേഷം സിനിമയില്‍ നിന്നും വിട്ടുനിന്ന ജ്യോതിക ഇപ്പോഴിതാ വീണ്ടും സിനിമ അഭിനയത്തിലും നിര്‍മ്മാണത്തിലും എല്ലാം സജീവമാവുകയാണ്. മലയാളത്തിലെ താരരാജാവ് മമ്മൂട്ടി നായകനാവുന്ന കാതല്‍ ആണ് ജ്യോതികയുടെ ഏറ്റവും പുതിയ ചിത്രം.
ജിയോ ബേബിയാണ് ചിത്രം സംവിധാനം ചെയ്യുന്നത്. സിനിമയുടെ ചിത്രീകരണം പുരോഗമിച്ചുകൊണ്ടിരിക്കുകയാണ്. മമ്മൂട്ടി-ജ്യോതിക ചിത്രം കാതലിന്റെ ലൊക്കേഷനില്‍ സന്ദര്‍ശനം നടത്തിയിരിക്കുകയാണ് തമിഴ് സൂപ്പര്‍ താരം സൂര്യ. ഇതിന്റെ ചിത്രങ്ങളും വീഡിയോകളുമാണ് ഇപ്പോള്‍ സോഷ്യല്‍മീഡിയയില്‍ നിറയുന്നത്.
സൂര്യയ്ക്കും ജ്യോതികയ്ക്കും ഒപ്പമുള്ള ചിത്രങ്ങള്‍ മമ്മൂട്ടിയും തന്റെ ഫേസ്ബുക്ക് പേജില്‍ പങ്കുവെച്ചിട്ടുണ്ട്. ലൊക്കേഷനില്‍ എത്തിയ സൂര്യ മമ്മൂട്ടിക്കും ജ്യോതികയ്ക്കും ഒപ്പമിരുന്നു ഭക്ഷണം കഴിച്ച് കുറച്ച് നേരം സംസാരിച്ചതിന് ശേഷമാണ് മടങ്ങിയത്.
Also Read: കാത്തിരിപ്പിന് വിരാമം, ഗൗരി കൃഷ്ണന്റെ വിവാഹതിയ്യതി തീരുമാനിച്ചു, ആശംസാപ്രവാഹവുമായി ആരാധകര്‍
അതിനിടെ കാതല്‍ സിനിമയില്‍ സൂര്യ അതിഥി വേഷത്തിലെത്തുന്നുണ്ടെന്ന രീതിയില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ ചിത്രത്തിന്റെ അണിയറ പ്രവര്‍ത്തകര്‍ ഇത് തള്ളി. സൂര്യ ചിത്രത്തില്‍ അഭിനയിക്കുന്നില്ലെന്നും ചിത്രത്തിന്റെ സെറ്റില്‍ വെറുതേ സന്ദര്‍ശനം നടത്തിയതാണെന്നും അണിയറ പ്രവര്‍ത്തകര്‍ പറയുന്നു.
