മലയാളത്തിന്റെ ബിഗ് സ്‌ക്രീനിലൂടെയും മിനിസ്‌ക്രീനിലൂടേയും ശ്രദ്ധനേടി പ്രേക്ഷകരുടെ പ്രിയപ്പെട്ട താരമായി മാറിയ നടനണ് ശ്രീജിത്ത് വിജയ്. ഹിറ്റ് മേക്കര്‍ ഫാസില്‍ സംവിധാനം ചെയ്ത ലീവിങ് ടുഗദര്‍ എന്ന ചിത്രത്തിലൂടെയാണ് നടന്‍ ആദ്യമായി വെള്ളിത്തിരയില്‍ എത്തുന്നത്.
എന്നാല്‍ടികെ രാജീവ് കുമാര്‍ സംവിധാനം ചെയ്ത രതിനിര്‍വ്വേദം എന്ന ചിത്രത്തിലൂടെയാണ് നടന്‍ ഏറ്റവും അധികം ശ്രദ്ധിക്കപ്പെടുന്നത്. ചിത്രത്തില്‍ നടി ശ്വേത മേനോന് ഒപ്പമായിരുന്നു ശ്രീജിത്ത് വിജയ് എത്തിയത്. 2011 ആണ് സിനിമ റിലീസ് ചെയ്‌തെങ്കിലും ശ്രീജിത്തിന്റെ പപ്പു എന്ന കഥാപാത്രം ഇന്നും പ്രേക്ഷകരുടെ ഇടയില്‍ ചര്‍ച്ചാ വിഷയമാണ്.
അതിന് ശേഷം നിരവധി സിനിമകളില്‍ നടന്‍ എത്തിയെങ്കിലും അധികം ശ്രദ്ധിക്കപ്പെടാന്‍ കഴിഞ്ഞിരുന്നില്ല. മിനി സ്‌ക്രീനിലും ശ്രീജിത്ത് വിജയ് സജീവമാണ്. 2014 ല്‍ മഴവില്‍ മനോരമ സംപ്രേക്ഷണം ചെയ്ത ഡിഫോര്‍ ഡാന്‍സ് എന്ന റിയാലിറ്റി ഷോയിലൂടെയാണ് ശ്രീജിത്ത് അവതാരകനായി എത്തുന്നത്. സീരിയലിലും നടന്‍ സജീവമായിരുന്നു.
സ്വാതി നക്ഷത്രം കുടുംബവിളക്ക് എന്നിവയായിരുന്നു നടന്റെ ശ്രദ്ധിക്കപ്പെട്ട സീരിയലുകള്‍. ഇന്ന് സോഷ്യല്‍മീഡിയയിലെ സജീവസാന്നിധ്യമാണ് ശ്രീജിത്ത് രവി. തന്റെ വിശേഷങ്ങളെല്ലാം താരം പങ്കുവെക്കാറുണ്ട്. ഇപ്പോഴിതാ ശ്രീജിത്തിന്റെ പുതിയ സോഷ്യല്‍മീഡിയ പോസ്റ്റാണ് വൈറലായിക്കൊണ്ടിരിക്കുന്നത്.
തന്റെ ജീവിതത്തിലെ വലിയ സ്വപ്‌നമായ സ്വന്തമായി ഒരു വീട് എന്നത് സാക്ഷാത്കരിച്ചിരിക്കുകയാണ് താരം. പുതിയ വീട്ടിലേക്ക് മാറിയതിന്റെ സന്തോഷമാണ് താരം ഇപ്പോള്‍ പങ്കുവെച്ചിരിക്കുന്നത്.നിരവധി ആരാധകരാണ് താരത്തിനും കുടുംബത്തിനും ആശംസകള്‍ നേര്‍ന്നത്.
