മലയാളികളുടെ പ്രിയ നടന്‍ ജയറാം പ്രധാനവേഷത്തിലെത്തിയ ഏറ്റവും പുതിയ ചിത്രമാണ് എബ്രഹം ഓസ്ലര്‍. ഏതാനും ദിവസങ്ങള്‍ക്ക് മുമ്പാണ് ചിത്രം തിയ്യേറ്ററുകളിലെത്തിയത്. അബ്രഹാം ഓസ്ലര്‍ സംവിധാനം ചെയ്തിരിക്കുന്നത് മിഥുന്‍ മാനുവല്‍ തോമസാണ്.
അഞ്ചാംപാതിരയെന്ന സൂപ്പര്‍ഹിറ്റ് ചിത്രത്തിന് ശേഷം മിഥുന്‍ സംവിധാനം ചെയ്ത ചിത്രമാണ് അബ്രഹാം ഓസ്ലര്‍. ഒരു ഇമോഷണല്‍ ക്രൈം ത്രില്ലറാണ് ചിത്രം. തിയ്യേറ്ററുകളില്‍ നിന്നും ചിത്രത്തിന് സമ്മിശ്ര പ്രതികരണമാണ് ലഭിച്ചുകൊണ്ടിരിക്കുന്നത്.
എന്നാല്‍ ബോക്‌സ് ഓഫീസില്‍ വലിയ മുന്നേറ്റമാണുണ്ടായിരിക്കുന്നത്. ചിത്രത്തില്‍ മലയാള സിനിമയിലെ താരരാജാവ് മമ്മൂട്ടിയും പ്രധാനവേഷത്തില്‍ എത്തുന്നുണ്ട്. ഇപ്പോഴിതാ ചിത്രത്തിലെ തന്റെ കഥാപാത്രത്തെ കുറിച്ച് മമ്മൂട്ടി പറഞ്ഞ കാര്യങ്ങളാണ് ശ്രദ്ധനേടുന്നത്.
ഒരു സൂപ്പര്‍സ്റ്റാറായതുകൊണ്ട് ആ വേഷം ചെയ്യണം, ഈ വേഷം ചെയ്യണം എന്നൊന്നുമില്ല. താന്‍ അങ്ങനെ സൂപ്പര്‍സ്റ്റാറാണെന്നൊന്നും പറഞ്ഞുനടക്കുന്ന ആളല്ലെന്നും വ്യത്യസ്തമായ കഥാപാത്രങ്ങള്‍ അവതരിപ്പിക്കുന്നതിനോടുള്ള തന്റെ ആര്‍ത്തി അവസാനിച്ചിട്ടില്ലെന്നും മമ്മൂട്ടി പറയുന്നു.
Also Read:സുരേഷ് ഗോപി ചിത്രം വരാഹത്തില്‍ ആ തമിഴ് താരവും എത്തുന്നു
കാതല്‍ എന്ന സിനിമക്ക് മുമ്പ് താന്‍ പേരന്‍പ് എന്ന ചിത്രത്തിലും അഭിനയിച്ചിരുന്നു. അതില്‍ അവസാനം താന്‍ ആരെയാണ് വിവാഹം കഴിക്കുന്നതെന്ന് നിങ്ങള്‍ക്ക് ഓര്‍മ്മയുണ്ടോ എന്നും താന്‍ നടനാവാന്‍ ആഗ്രഹിച്ച ഓരാളായിരുന്നുവെന്നും അത് ഇതുവരെ പൂര്‍ത്തിയായിട്ടില്ലെന്നും മമ്മൂട്ടി പറയുന്നു.
