കാലങ്ങളായി മലയാള സിനിമയുടെ ഭാഗമായ നടനാണ് ദിലീപ്. ജനപ്രിയ നായകനെന്ന പദവി ജനങ്ങളില്‍ നിന്നും സ്വന്തമാക്കിയ ദിലീപ് ഇതിനോടകം നിരവധി ചിത്രങ്ങളിലാണ് അഭിനയിച്ചത്. എന്നാല്‍ വ്യക്തി ജീവിതത്തിലെ ചില പ്രശ്നങ്ങള്‍ കാരണം താരം സിനിമയില്‍ നിന്നും ഏതാനും വര്‍ഷങ്ങളായി മാറി നില്‍ക്കുകയായിരുന്നു.
എന്നാല്‍ അടുത്തിടെ ഗംഭീര തിരിച്ചുവരവാണ് താരം നടത്തിയത്. ബാന്ദ്രയാണ് ദിലീപിന്റെ വരാനിരിക്കുന്ന ഏറ്റവും പുതിയ ചിത്രം. ബാന്ദ്രയുടെ പ്രൊമോഷന്റെ തിരക്കുകളിലാണ് താരം ഇപ്പോള്‍. ഇപ്പോഴിതാ റെയില്‍വേ സ്‌റ്റേഷനില്‍ ട്രെയിന്‍ കാത്തുനില്‍ക്കുന്ന ദിലീപിന്റെ വീഡിയോയാണ് വൈറലാവുന്നത്.
കോഴിക്കോട് റെയില്‍വേ സ്‌റ്റേഷനിലായിരുന്നു താരം. ബാന്ദ്രയുടെ പ്രൊമോഷനുമായി ബന്ധപ്പെട്ടാണ് ദിലീപ് കോഴിക്കോട് എത്തിയത്. എന്നാല്‍ തിരിച്ച് കൊച്ചിയിലേക്ക് പോകാന്‍ താരത്തിന് ഫ്‌ലൈറ്റ് ഒന്നും കിട്ടിയില്ല. ഇതോടെയാണ് ട്രെയിനില്‍ യാത്ര ചെയ്തത്.
റെയില്‍വേസ്‌റ്റേഷനില്‍ ആള്‍ക്കൂട്ടമോ ബോഡിഗാര്‍ഡോ ഇല്ലാതെയാണ് ദിലീപ് ഉണ്ടായിരുന്നത്. താരത്തെ ആര്‍ക്കും പെട്ടെന്ന് മനസ്സിലായതുമില്ല. കറുത്ത വസ്ത്രങ്ങളും തൊപ്പിയും കൂളിങ് ഗ്ലാസും ധരിച്ച താരം മുഖം മാസ്‌ക് കൊണ്ട് മറച്ചിരുന്നു.
അതുകൊണ്ടുകൂടിയാണ് മറ്റ് യാത്രക്കാര്‍ക്ക് ആര്‍ക്കും ദിലീപിനെ മനസ്സിലാവാതിരുന്നത്. മലബാര്‍ എക്‌സ്പ്രസിനാണ് ദിലീപ് കോഴിക്കോട് നിന്നും കൊച്ചിയിലേക്ക് യാത്ര ചെയ്തത്. താരം ഇതിന് മുമ്പും ഇതുപോലെ ട്രെയിന്‍ യാത്ര ചെയ്തിട്ടുണ്ടെന്നാണ് നടനോട് അടുത്ത വൃത്തങ്ങള്‍ പറയുന്നത്.
