കാലങ്ങളായി മലയാള സിനിമയുടെ ഭാഗമായ നടനാണ് ദിലീപ്. ജനപ്രിയ നായകനെന്ന പദവി ജനങ്ങളില്‍ നിന്നും സ്വന്തമാക്കിയ ദിലീപ് ഇതിനോടകം നിരവധി ചിത്രങ്ങളിലാണ് അഭിനയിച്ചത്. എന്നാല്‍ വ്യക്തി ജീവിതത്തിലെ ചില പ്രശ്‌നങ്ങള്‍ കാരണം താരം സിനിമയില്‍ നിന്നും ഏതാനും വര്‍ഷങ്ങളായി മാറി നില്‍ക്കുകയായിരുന്നു.
എന്നാല്‍ അടുത്തിടെ ഗംഭീര തിരിച്ചുവരവാണ് താരം നടത്തിയത്. ഇപ്പോഴിതാ തന്റെ സിനിമയിലേക്കുള്ള മടങ്ങി വരവിനെ കുറിച്ചും പുതിയ ചിത്രത്തിന്റെ വിശേഷങ്ങളെ പറ്റിയും ദിലീപ് പറഞ്ഞ കാര്യങ്ങളാണ് ശ്രദ്ധനേടുന്നത്.
എന്നും ജനങ്ങള്‍ തനിക്കൊപ്പമുണ്ടായിരുന്നു. രാമലീല സിനിമ ഇറങ്ങുമ്പോള്‍ താന്‍ ജയിലിലായിരുന്നുവെന്നും ആ സിനിമ കാണരുതെന്ന് പലരും ചാനലുകളിലൂടെ പറഞ്ഞിരുന്നുവെന്നും എന്നാല്‍ ആദ്യ ഷോ മുതലേ തിയ്യേറ്റില്‍ ജനങ്ങളുടെ തിരക്കായിരുന്നുവെന്നും ദിലീപ് പറയുന്നു.
അതിന് കാരണം തന്നോടുള്ള ജനങ്ങളുടെ വിശ്വാസമാണ്. താനൊരു ഓപ്പണ്‍ ബുക്ക് പോലെയാണ്. ജനങ്ങളാണ് തന്നെ വളര്‍ത്തിയതെന്നും തന്നെ ഒരു കലാകാരന്‍ എന്ന നിലയില്‍ ഇവിടെ നിലനിര്‍ത്തുന്നതും പ്രേക്ഷകരാണെന്നും തനിക്കെതിരെ ഒരു ലോബി പ്രവര്‍ത്തിക്കുമ്പോഴും തന്നെ സപ്പോര്‍ട്ട് ചെയ്ത് ജനങ്ങള്‍ കൂടെയുണ്ടെന്നും ദിലീപ് പറയുന്നു.
Also Read: ലുക്ക് ലുക്കേയ്; ഒരിടവേളക്ക് ശേഷം കളര്‍ഫുള്‍ ഫോട്ടോയുമായി ഭാവന
ഞാന്‍ എന്താണുള്ളത് ജനങ്ങള്‍ക്ക് നല്ല ബോധ്യമുണ്ട്. എന്റെ മിടുക്ക് കൊണ്ട് ഉയര്‍ന്ന് വന്ന ആളല്ല താനെന്നും ജനങ്ങളാണ് തന്നെ കൈ പിടിച്ച് ഉയര്‍ത്തിയതെന്നും ജനങ്ങള്‍ തനിക്കിട്ട പേരാണ് ജനപ്രിയനെന്നും ദിലീപ് പറയുന്നു.
