മലയാളികളുടെ ഇഷ്ട നടന്മാരില്‍ ഒരാളാണ് ബിജു കുട്ടന്‍. ഹാസ്യ താരമായി സിനിമകളില്‍ തിളങ്ങുന്ന ബിജുക്കുട്ടന്‍ തന്റേ കഴിവിലൂടെയാണ് മുന്‍നിര ഹാസ്യ താരങ്ങള്‍ക്കൊപ്പമെത്തിയത്.
ഒത്തിരി സിനിമകളില്‍ ബിജുക്കുട്ടന്‍ അഭിനയിച്ചിട്ടുണ്ട്. ഇപ്പോഴിതാ തന്റെ കുടുംബത്തെ കുറിച്ച് സംസാരിക്കുകയാണ് ബിജുക്കുട്ടന്‍. അടുത്തിടെ ബിജുക്കുട്ടന്റെയും മകളുടെയും വീഡിയോ സോഷ്യല്‍മീഡിയയില്‍ വൈറലായിരുന്നു.
ബുള്ളറ്റ് എന്ന ഹിറ്റ് തെലുങ്ക് പാട്ടിന് ചുവടുവെച്ച വീഡിയോയിരുന്നു ഇത്. മകള്‍ക്കൊപ്പമുള്ള ഈ വീഡിയോ കണ്ടാണ് താരം ഇത്ര നന്നായി ഡാന്‍സ് കളിക്കുമെന്ന് പലരും അറിഞ്ഞത്. മകള്‍ ഡാന്‍സ് പഠിക്കുന്നുണ്ടെങ്കിലും പ്രാക്ടീസ് ചെയ്യുന്നത് തനിക്കൊപ്പമാണെന്ന് ബിജുക്കുട്ടന്‍ പറയുന്നു.
മിമിക്രി ചെയ്യുന്നവര്‍ക്ക് പെണ്ണുകിട്ടാന്‍ വളരെ പ്രയാസമായിരുന്നുവെന്നും വീട്ടുകാര്‍ ഒരു പെണ്ണിനെ കാണുകയും തന്നോട് പോയി കാണാന്‍ പറയുകയും ചെയ്തു. എന്നാല്‍ അന്ന് സുബിതയുടെ വീട്ടുകാരോട് പറഞ്ഞത് തനിക്ക് ടൈല്‍ പണിയാണെന്നായിരുന്നുവെന്നും മിമിക്രി ചെയ്യുന്ന കാര്യം പറഞ്ഞിരുന്നില്ലെന്നും ബിജുക്കുട്ടന്‍ പറയുന്നു.
പക്ഷേ സുബിതയുടെ വീട്ടുകാര്‍ക്ക് താന്‍ എന്താണ് ചെയ്യുന്നതെന്ന് അറിയാമായിരുന്നുവെന്നും വീട്ടുകാര്‍ ഈ വിവാഹത്തിന് സമ്മതിച്ചുവെന്നും തനിക്കും സുബിതയ്ക്കും ഇപ്പോള്‍ രണ്ട് പെണ്‍മക്കളാണെന്നും ലക്ഷ്മി പാര്‍വതി എന്നാണ് പേരുകളെന്നു ബിജുക്കുട്ടന്‍ പറയുന്നു.
